20 ივნისს გიორგი გახარია იცავდა საქართველოს კონსტიტუციას, სახელმწიფო ინსტიტუტებსა და საქართველოს უსაფრთხოებას. ამის შესახებ მთავრობის სხდომაზე საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში, ქეთევან ციხელაშვილმა, განაცხადა.
”მე ვფიქრობ და მგონია, რომ არაფრის დიდებით აღარ უნდა დავბრუნდეთ წარსულში, რადგან ჩვენ წავედით წინ და ვიმსახურებთ ცოტა უფრო მეტს, როგორც საზოგადოება. მგონია, რომ ეს ხელისუფლების პასუხისმგებლობაც არის, ისევე როგორც საზოგადოების თითოეული წევრის, იქნება ეს პოლიტიკური პარტია, მედია, სამოქალაქო აქტივისტი თუ ა.შ. ამ სულისკვეთებით მოქმედებდა საქართველოს ხელისუფლება და შინაგან საქმეთა მინისტრი, ბატონი გიორგი გახარია 20 ივნისს, როდესაც ის იცავდა საქართველოს კონსტიტუციას, სახელმწიფო ინსტიტუტებსა და საქართვცელოს უსაფრთხოებას.“-განაცხადა ქეთევან ციხელაშვილმა.
შეგახსენებთ, რომ 20 ივნისს პარლამენტში რუსი დეპუტატები იმყოფებობდნენ 26-ე მართმადიდებლობის საერთაშორისო ფორუმის ფარგლებში. რუსეთის დუმი-ს დეპუტატი სერგეი გავრილოვი პარლამენტის სავარძელშ აღმოჩნდა. ამას მოყვა აქციები, სადაც დეპუტატების საქართველოდან გაძევებასა და პარლამენტის თავმჯდომარის გადაყენებას ითხოვდნენ. აქცია რამდენიმე საათში პოლიციამ ცრემლსადენი გაზის, რეზინის ტყვიებისა და წყლის ჭავლის გამოყენებით დაშალა. მომდევნო დღეებში მოქალაქეები კვლავ შეიკრიბნენ და მათ სამი მთავარი მოთხოვნა ქონდათ – შს მინისტრის გიორგი გახარიას გადადგომა, პარლამენტის თავმჯდომარის ირაკლი კობახიძის გადადგომა და პროპორციული სისტემით არჩევნების ჩატარება. კობახიძის გადადგომის შედეგად კიდევ ერთი მოთხოვნა გაჩნდა – აქციის დღეს ყველა დაპატიმრებულის გათავისუფლება, რაც ამ დროისთვის შესრულებულია. ამის შემდეგ ირაკლი კობახიძემ თანამდებობა დატოვა. პარტიის თავმჯდომარემ ბიძინა ივანიშვილმა განაცხადა, რომ 2020 წლის არჩევენბი პროპორციული სისტემით გაიმართება. თუმცა, კიდევ ერთი მოთხოვნა – გახარიას გადადგომა არ დააკმაყოფილა მმართველმა გუნდმა. ამ დროისთვის აქციები კვლავ გრძელდება, რათა ბოლო მოთხოვნაც შესრულდეს. გახარიას გადადგომის მოთხოვნით შიმშილობენ სტუდენტებიც. გიორგი გახარია, საქართველოს შინაგან საქმეთა მინისტრი ტელეკომპანიის ჟურნალისტებთან შეხვედრისას;