aviabiletebi
ახალი ამბები მთავარი პოლიტიკა საზოგადოება

“არა მხოლოდ ბატონი მელიაა დამნაშავე და ის განტევების ვაცია” – მარშანია

aviabiletebi
ავიაბილეთები

ბატონი მელია ნამდვილად არის დამნაშავე, მაგრამ საქმე იმაშია, რომ არა მხოლოდ ბატონი მელიაა დამნაშავე და ის განტევების ვაცია, – ამის შესახებ „პატრიოტთა ალიანსის“ ერთ-ერთმა ლიდერმა, ადა მარშანიამ საქართველოს პირველი არხის გადაცემა „მოამბეში“ განაცხადა.

„ეს არ არის ჩვენი ვარაუდი, ან ეჭვი. ყველაფერი ჩვენ თვალწინ ხდებოდა და ვნახეთ, რომ აშკარა იყო დადგმული სპექტაკლი და მოლაპარაკებული იყო მთელი ეს სცენები. ეს ყველაფერი ვერ განვითარდებოდა და ვერ დაიგეგმებოდა, თუ არა მმართველი ძალის ამ პროვოკაციაში მონაწილეობა. მმართველი ძალა არ ჩანდა. ცხადია, წინა პლანზე „ნაციონალური მოძრაობა“ გამოვარდა. ჩვენი საზოგადოების გულწრფელი აღშფოთება, ემოციები და პროტესტი გასაგებია, მაგრამ შემდეგ „ქართული ოცნების“ პოლიტელიტასთან ერთად „ნაციონალური მოძრაობა“ შეეცადა, ჩვენთვის ბოლომდე აუხსნელი, ბნელი გეგმებისთვის გამოეყენებინა“, – განაცხადა მარშანიამ.

მისი თქმით, ნიკა მელია მხოლოდ გადმოგდებული ბარტყია.

„მმართველი პარტია სასტიკად არასწორად მოიქცა. იმიტომ კი არ მივეცით პარლამენტს ნებართვა, რომ ბატონი მელიას იმუნიტეტი შეჩერდეს, შერჩევითი სამართლის წინააღმდეგი წავედით. მყარად მიგვაჩნია, რომ მთელი ამ ტრაგედიის გამოძიება იმ ინციდენტის გამოძიებით უნდა დაწყებულიყო. პარლამენტის ახალი თავმჯდომარე უნდა გამოსულიყო წინადადებით, რომ იქმნება სამუშაო ჯგუფი, სადაც ყველა პოლიტიკური ძალის წარმომადგენელი შევა, რათა გამოვიკვლიოთ, რა მოხდა 20 ივნისს დარბაზში, როდესაც მაპ-ის მუშაობა დაიწყო. ეს ჯგუფი 21 ივნისსვე რომ შეგვექმნა, მოვლენების ასეთი ტრაგიკული განვითარება არ იქნებოდა“, – განაცხადა მარშანიამ.

შეგახსენებთ, რომ მელიას იმუნიტეტის მოხსნის მოთხოვნით პარლამენტს პროკურატურამ მიმართა.

15 ხმით, 4-ის წიანაღმდეგ, საპარლამენტო უმრავლესობის გადაწყვეტილებით, გაერთიანებული კომიტეტების სხდომაზე ნიკა მელიასთვის იმუნიტეტის შეჩერებას მხარი დაუჭირეს.

პლენარულ სხდომაზე კი “ნაციონალური მოძრაობის” წევრ ნიკა მელიას დეპუტატის მანდატი შეუჩერეს და შესაბამისად, მას მოეხსნა იმუნიტეტი. 91 მომხრე და არც ერთი მოწინააღმდეგე – ასეთი იყო კენჭისყრის შედეგები.

გთავაზობთ იმ 91 დეპუტატის სიას, ვინც ნიკა მელიასთვის დეპუტატობის მანდატის შეჩრებას მხარი დაუჭირა.

იტვირთბა....