fbpx
ახალი ამბები მთავარი მსოფლიო პოლიტიკა საზოგადოება

“მოვუწოდებთ მხარეებს, შეინარჩუნონ სიმშვიდე და იმოქმედონ კონსტიტუციის ფარგლებში“ – ევროკავშირის წარმომადგენლობა

საქართველოში ევროკავშირის წარმომადგენლობა განცხადებას ავრცელებს.

„დიდი ყურადღებით ვადევნებთ თვალს თბილისში პარლამენტის წინ ამ საღამოს განვითარებულ მოვლენებს.

„ჩვენთვის სრულიად გასაგებია, რომ დღეს ბევრი ადამიანი შეურაცხყოფილად გრძნიობს თავს. მოვუწოდებთ მხარეებს, შეინარჩუნონ სიმშვიდე, თავი შეიკავონ და ყველა შემთხვევაში იმოქმედონ კონსტიტუციის ფარგლებში“.

ქართული ოცნების შეფასებით, პარლამენტის წინ მიმდინარე მოვლენებმა ანტიკონსტიტუციური ხასიათი შეიძინა.

ერი, რომელიც იბრძვის მთავარი ფასეულობისთვის, განსაკუთრებით მიუღებელი იყო ის, რაც დღეს მოხდა. ასე შეაფასა საქართველოს პრემიერ-მინისტრმა მამუკა ბახტაძემ დღეს პარლამენტში განვითარებული მოვლენები, თუმცა შემდგომ განვითარებულ მოვლენებს უკვე ძალადობა უწოდა.

მისი შეფასებით, „ნაციონალური მოძრაობა“ არასტაბილურობის განცდის შემოტანას ცდილობს.

პრემიერი მიმართავს ახალგაზრდებს, გულწრფელ პროტესტში მათ გვერდითაა, თუმცა “ამ შემთხვევაში საქმე გვაქვს ვიწრო პოლიტიკურ ინტერესთან და ეს პოლიტიკური ძალა სწორედ უკანონობასთან არის ასოცირებული”. „ძალადობა მიუღებელია და ამას არასდროს შევეგუებით“, – აღნიშნა ბახტაძემ.

შს მინისტრი გიორგი გახარია აცხადებს, რომ სახელმწიფო ინსტიტუტებზე შეტევას და თავდასხმას პოლიციაზე შესაბამისი შეფასება მოჰყვება და ყველა დაისჯება კანონის სრული სიმკაცრით.

გახარიას თქმით, როგორც კი ამის საჭიროება იქნება, მაშინვე გადადგება.

პარლამენტის თავმჯდომარის პოსტის დატოვებას არ აპირებს. ვის ეკისრება მომხდარზე პასუხისმგებლობა, პარლამენტის თავმჯდომარე პასუხობს, რომ თითოეული ღონისძიების მენეჯმენტზე, რა თქმა უნდა, პარლამენტის თავმჯდომარე არის პასუხისმგებელი.

საქართველოს პარლამენტთან აქცია დღეს დილით პარლამენტის სხდომათა დარბაზში განვითარებულ მოვლენებს მოჰყვა, როდესაც მართლმადიდებლობის საპარლამენტთაშორისო ასამბლეის სხდომას სპიკერატის ტრიბუნიდან უძღვებოდა ასამბლეის პრეზიდენტი, რუსი დეპუტატი სერგეი გავრილოვი.

სხდომა ოპოზიციის ხმაურის ფონზე ჩაიშალა. საპარლამენტო ოპოზიცია ირაკლი კობახიძის პასუხისმგებლობის საკითხის დაყენებას და მის გადადგომას მოითხოვს. მმართველი გუნდის ოპონენტები ასევე ითხოვენ შს მინისტრის გადადგომას. პარლამენტთან მიმდინარე აქციაზე 10-მდე სპეცრაზმელი დაშავდა.

წყარო – “იმედინიუსი”

სხვა ამბები

“ჩვენ ვართ ადამიანის უფლებებზე ორიენტირებული ხელისუფლება”

newsadmin

“ქართული ოცნების” ჩინოვნიკები ფულის მოპარვას გააგრძელებენ”

newsadmin

“ვამთავრებთ ანგარიშსწორებას აწ და მარადის და უკუნითი უკუნისამდე”

newsadmin

“როგორც კი შემდეგი ხელისუფლების პრიორიტეტი იქნება ათობით ათასი ადამიანის დაჭერა, შეუძლებელი იქნება დამოუკიდებელი სასამართლოს რეფორმა”

newsadmin

“ამ ხელისუფლებამ სასამართლოში დაამკვიდრა შევარდნაძის მოდელი”

newsadmin

“ჩემი საქციელით დავამტკიცე, რომ ოპოზიციას ვაძლიერებ”

newsadmin
იტვირთბა....