fbpx
ახალი ამბები მთავარი პოლიტიკა

მზად ვართ, ყველა რეკომენდაცია გავითვალისწინოთ – ირაკლი კობახიძე მაიკ პომპეოს შეფასებას გამოეხმაურა

პარლამენტის თავმჯდომარის ირაკლი კობახიძის განცხადებით, საქართველოს ხელისუფლება მზად არის, რეფორმების გზაზე სტრატეგიული პარტნიორების ყველა რეკომენდაცია გაითვალისწინოს.

“ჩვენთვის ძალიან მნიშვნელოვანია სტრატეგიული პარტნიორების, მეგობრების განცხადებები. რაც შეეხება სასამართლო ხელისუფლებას, აქ ვმუშაობთ ძალიან აქტიურად; ხვალ უკვე ინიცირდება ახალი პაკეტი, ე.წ. რეფორმების მეოთხე ტალღის პაკეტი, რომელიც ითვალისწინებს ფუნდამენტურ ცვლილებებს სასამართლოების შესახებ ორგანულ კანონში. ეს დადებით ცვლილებას შეიტანს მართლმსაჯულების სისტემაში. გარდა ამისა, შეგახსენებთ, რომ ძალიან დიდი დრო და ყურადღება დავუთმეთ უზენაესი სასამართლოს მოსამართლეების შერჩევას, შესაბამის კანონმდებლობას და პროცესი წარიმართება ახლა ღიად და გამჭირვალედ და დარწუნებული ვარ, შედეგად მივიღებთ კეთილსინდისიერ და მაღალკვალიფიციურ მოსამართლეებს. შესაბამისად, გვაქვს ძალიან დადებითი დინამიკა და მზად ვართ, რა თქმა უნდა, ყველა რეკომენდაცია გავითვალისწინოთ, რომელიც მომდინარეობს ჩვენი სტრატეგიული პარტნიორების მხრიდან – განაცხადა ირაკლი კობახიძემ.

პარლამენტის თავმჯდომარე არჩევნების საკითხსაც შეეხო. კობახიძე დარწმუნებულია, რომ საქართველო, არჩენების კუთხით, დროთა განმავლობაში დაიხვეწება.

“რაც შეეხება არჩევნებს, უკვე ზეგ შეიქმნება სამუშაო ჯგუფი, რომლის მთავარი მიზანი იქნება „ოდირის” რეკომენდაციებთან ჩვენი საარჩევნო კანონმდებლობის შესაბამისობაში მოყვანა და დარწუნებული ვარ, ძალიან ფართო თანხმობით მივიღებთ შესაბამის კანონმდებლობას და ჩვენს ქვეყანაში პრაქტიკაც თანდათანობით დაიხვეწება არჩევნების კუთხით”, – განაცხადა ირაკლი კობახიძემ.

შეგახსენებთ, რომ მაიკ პომპეომ მამუკა ბახტაძესთან შეხვედრის შემდეგ, ბრიფინგზე იმ მნიშვნელოვან საკითხებზე ისაუბრა, რომელთა შესრულებასაც საქართველოსგან ითხოვს. ერთ-ერთი საკითხი ანაკლიის პორტის პროექტის ბოლომდე მიყვანაა. პომპეომ, ასევე,  ხაზი გაუსვა სასამართლო სისტემის გაუმჯობესების და თავისუფალი და სამართლიანი არჩევნების მნიშვნელობასაც.

სხვა ამბები

მძიმე კადრები – ფოტოები, რომელზეც სავარაუდოდ თვალის დაზიანებებია აღბეჭდილი

newsadmin

საქართველო საპატრიარქო განცხადებას ავრცელებს

newsadmin

LIVE: მორიგი შეტაკება სპეცრაზმსა და აქციის მონაწილეებს შორის

newsadmin

LIVE: წყლის ჭავლი – სპეცრაზმა რუსთაველის გამზირის დაკავება დაიწყო

newsadmin

LIVE: აქციის მონაწილეებმა რუსთაველის გამზირზე ბარიკადები აღმართეს

newsadmin

LIVE: სპეცრაზმსა და აქციის მონაწილეებს შორის ხელჩართული ბრძოლა დაიწყო

newsadmin
იტვირთბა....