fbpx
ახალი ამბები მთავარი საზოგადოება

“ივანიშვილი გუნდთან ერთად მაფიოზურ სახელმწიფოს აშენებს” – გოგიჩაიშვილი ფოთის პორტზე

დამოუკიდებელმა დეპუტატმა, ლევან გოგიჩაიშვილმა საქართველოს ეკონომიკისა და მდგრადი განვითარების მინისტრის, ნათია თურნავას მიერ ფოთის პორტთან დაკავშირებით თანამდებობიდან გათავისუფლებულ ზედამხედველობის სააგენტოს ხელმძღვანელსა და მის მიერ გაცემული დოკუმენტის გაუქმების შეფასებისას განაცხადა, რომ „ქართული ოცნების“ თავმჯდომარე გუნდთან ერთად მაფიოზურ სახელმწიფოს აშენებს და მაგიდასთან უზის ოდიოზური ბიზნესმენები.

მისივე თქმით, ქვეყანა კანონების გარეშე იმართება.

„ძალიან მნიშვნელოვან საკითხებზე ნებართვები ისე გაიცემა, რომ თურმე არც ეკონომიკის მინისტრმა და პრემიერ-მინისტრმა არაფერი იცის. ჩვენ რის გამოც შიგნითაც და გარეთაც „ქართულ ოცნებას“ ვაკრიტიკებთ არის ის, რომ პარტიის თავმჯდომარემ ყველაფერი მოახერხა, ქვეყანა კანონგარეშე დაეტოვებინა. ქვეყანა კანონების გარეშე იმართება. პარტიის თავმჯდომარე თავის გუნდთან ერთად მაფიოზურ სახელმწიფოს აშენებს და მაგიდასთან უზის ოდიოზური ბიზნესმენები, მათგან ერთ-ერთის ინტერესი ფოთის პორტში ღრმაწყლოვანი პორტის დაწყება იყო. ყველამ კარგად ვიცით, ეს ნებართვა ვისთვის გაიცა. ამას 7 ივნისს ქალბატონ თურნავას, როდესაც ის პარლამენტში მოდის, ყველაფერზე პასუხს გავაცემინებთ“,- განაცხადა გოგიჩაიშვილმა.

როგორც გოგიჩაიშვილმა განაცხადა, ნათია თურნავა თანამდებობიდან უნდა გადადგეს.

„ვფიქრობ, რომ თურნავა აუცილებლად უნდა გადადგეს, რადგან ის არის დანიშნული იმ ოდიოზური ბიზნესმენების მიერ და იმ კორუფციული ინტერესებითაა დანიშნული, რომ ხელი ზუსტად ასეთი პროექტებისთვის მოეწერა, მაგრამ რადგან ახლა საერთაშორისო საზოგადოებისგან და ჩვენი პარტნიორებისგან მწარედ მოხვდათ, ეს ბრძანება დღეს გააუქმებინეს და ეს ადამიანი მოიშორეს. ხელი შეახოცეს ადამიანს, რომელსაც ალბათ მინისტრს რომ ხედავს, ეშინია. წარმოგიდგენიათ, რომ სტრატეგიული და სახელმწიფოებრივი გადაწყვეტილება მიიღონ, რომელსაც პარლამენტის ლეგიტიმაცია სჭირდება, ასეთი გადაწყვეტილება რომელიმე ჩინოვნიკმა მიიღოს მინისტრისა და პრემიერ-მინისტრის შეკითხვის ან პარტიის თავმჯდომარის თანხმობის გარეშე? ეს ხომ წარმოუდგენელია. ეს სამარცხვინო ქვეყანაა“,- განაცხადა გოგიჩაიშვილმა.

მისივე თქმით, ბიძინა ივანიშვილს „ანაკლიის განვითარების კონსორციუმის“ დამფუძნებელი მამუკა ხაზარაძე ამოჩემებული ჰყავს.

„ყველამ კარგად ვიცით, რომ პარტიის თავმჯდომარეს მამუკა ხაზარაძე ამოჩემებული ჰყავს. ანაკლიის პროექტიც ამოჩემებულია, რადგან ის ამ პროექტს თავისად არ თვლის. მას ყველაფერი თავისთვის უნდა ამ ქვეყანაში. მან გადაწყვიტა მისი კარის ბიზნესმენებისთვის დაეჭირა მხარი. ნათია თურნავა 7 ივნისს რეგიონული პოლიტიკის და ეკონომიკის პოლიტიკის კომიტეტში მოსვლისთანავე მთავრობიდან უნდა წავიდეს, რადგან კორუმპირებული წარსულის პოლიტიკოსი და ოდიოზური ბიზნესმენების დანიშნული ეკონომიკის მინისტრი, რომელსაც არაფერი სახელმწიფოებრივი არ გააჩნია, მხოლოდ ბრძანებების შესრულებით მოქმედებს, ასეთი ეკონომიკის მინისტრი არავის არ სჭირდება. 7 ივნისს ეკონომიკური პოლიტიკის კომიტეტზე ამ კორუმპირებული მექრთამე წარსულის მქონე ეკონომიკის მინისტრის მიმართ პირდაპირი მნიშვნელობით შტურმი იქნება“,- განაცხადა გოგიჩაიშვილმა.

შეგახსენებთ, რომ გუშინ “ანაკლიის განვითარების კონსორციუმმა”  განცხადება გაავრცელა. განცხადებაში აღნიშნულია, რომ თუ ფოთში ახალი ღრმაწყლოვანი პორტის მშენებლობაზე ნებართვის გაცემას არ მოჰყვა რადიკალური რეაგირება, ანაკლიის პროექტი შეჩერდება.

ეკონომიკისა და მდგრადი განვითარების სამინისტრომ „სს კორპორაცია ფოთის საზღვაო ნავსადგურის“ – „ეიპიემ ტერმინალსის“ შვილობილი კომპანიისთვის მიცემული ღრმაწყლოვანი პორტის მშენებლობის ნებართვა გაუუქმა.

სხვა ამბები

“არ მიხარია რუსთავის 2-ის ამ ფორმით დასრულება” – მამა პეტრე კოლხი

newsadmin

“ბატონო ბიძინა, პროკურატურაში გვარამიას ნაცვლად რამიშვილი, რომ გეთრიათ, ბევრად ჭკვიან კაცად ჩაგთვლიდით”

newsadmin

“საქართველო მტკიცედ დგას უკრაინელი ხალხის გვერდით ტერიტორიული მთლიანობისთვის ბრძოლაში” – ბახტაძე

newsadmin

“ბრალდებამ გააჟღერა, თითქოს ღაჭავა ზემოქმედებას ახდენს მოწმეებზე და ამ სიაშია მისი მეუღლეც” – ადვოკატი

newsadmin

ხვალ, ოკუპირებულ აფხაზეთში ე.წ. “საპრეზიდენტო არჩევნები” ტარდება

newsadmin

ბათუმში მანქანის გაქურდვის მცდელობის ბრალდებით ერთი პირი დააკავეს

newsadmin
იტვირთბა....