თბილისის მერიის ინფორმაციით, ევროპის დღეებთან დაკავშირებით თბილისში, ევროპის მოედანზე დღეს ღამიდან ტრანსპორტის მოძრაობა შეიზღუდება.
ტრანსპორტის მოძრაობის შეზღუდვის გამო, იცვლება მუნიციპალური ავტობუსების მოძრაობის სქემაც.
„ევროპის დღეებთან დაკავშირებით, 4 მაისის 24:00 საათიდან 6 მაისის 06:00 საათამდე ევროპის მოედანზე მოედანზე ტრანსპორტის მოძრაობა შეიზღუდება.
შესაბამისად, 5 მაისს N31, N44, N50, N55, N71, N102 და N80 მუნიციპალური ავტობუსები ორთაჭალიდან ბარათაშვილის ქუჩისკენ შემდეგი სქემით იმოძრავებენ: გორგასლის ქუჩიდან სვლას განაგრძობენ მტკვრის მარჯვენა სანაპიროზე, იუსტიციის სახლთან აუხვევენ მშრალი ხიდის მიმართულებით, გაივლიან ათონელისა და ვირსალაძის ქუჩებს, შემდეგ კვლავ მტკვრის მარჯვენა სანაპიროს დაუკავშირდებიან, რის შემდეგაც მოძრაობას ბარათაშვილის ქუჩაზე განაგრძობენ“, – აღნიშნულია დედაქალაქის მერიის ინფორმაციაში.
თბილისის მერია საზოგადოებას შეფერხებისთვის ბოდიშს უხდის.