fbpx
ახალი ამბები მთავარი საზოგადოება

“ალბათ თავად საფრანგეთის ხელისუფლება განსაზღვრავს, რა ტიპის დახმარებები ესაჭიროებათ”

საქართველოს პრეზიდენტის პრესსპიკერის, ხატია მოისწრაფიშვილის განცხადებით, მას შემდეგ, რაც საფრანგეთის ხელისუფლება განსაზღვრავს, რა ტიპის დახმარებები ესაჭიროებათ, უკვე შესაძლებელია იმაზე ფიქრი, საქართველოს როგორ და რა ფორმით შეუძლია დახმარება.

მისივე თქმით, სალომე ზურაბიშვილმა აღნიშნა, რომ გუშინ პარიზში, ღვთისმშობლის ტაძარში მომხდარის გამო, ამ უმძიმეს დროს ქართველი ხალხი ფრანგი ხალხის გვერდზე დგას.

„საქართველოს პრეზიდენტი გუშინვე გამოეხმაურა “თვითერის” საკუთარ გვერდზე მიმდინარე მოვლენებს და აღნიშნა, რომ ამ უმძიმეს დროს ქართველი ხალხი დგას ფრანგი ხალხის გვერდით. პარიზის, საფრანგეთისა და ზოგადად, ქრისტიანობის ერთ-ერთი სიმბოლო, პარიზის ღვთისმშობლის ტაძარი გუშინ ფრანგი ხალხის თავდადებით და მთელ მსოფლიოში, მილიონობით ადამიანის გულწრფელი სურვილით, უდიდეს ტრაგედიას გადაურჩა. დღეს უკვე მსოფლიო ახალი რეალობის ირგვლივ ერთიანდება და ეს რეალობა გახლავთ პარიზის ღვთისმშობლის ტაძრის აღდგენა.
დღეს გავრცელდა ოფიციალური განცხადება საფრანგეთის მხარის მიერ, სადაც საუბარია იმაზე, რომ ისინი ღია არიან დახმარების მიმართ, თუმცა უნდა განისაზღვროს ის დახმარება, რისი მიღებაც მათ სურთ. ამის შემდეგ უკვე შესაძლებელია ფიქრი იმაზე, საქართველოს როგორ და რა ფორმით შეუძლია დახმარება. დღეს ასევე სოციალურ ქსელებში გავრცელდა ბიზნესის მოწოდებები და ეს უკვე მათი საქმეა, ბიზნესი რამდენად ჩაერთვება. ფაქტია, რომ გუშინ ყველამ ერთად დავინახეთ, როგორ გაერთიანდა ნამდვილად ამ ტრაგედიის ირგვლივ მთელი მსოფლიო გულწრფელად და ყველა მზად იყო დასახმარებლად. ახლა უკვე ალბათ თავად საფრანგეთის ხელისუფლება განსაზღვრავს, რა ტიპის დახმარებები ესაჭიროებათ“, – აღნიშნა მოისწრაფიშვილმა.

შეგახსენებთ, პარიზის ღვთისმშობლის ტაძარში ძლიერი ხანძრის შედეგად,  ჩამოინგრა ტაძრის შპილი და სახურავი. მეხანძრეებმა შეძლეს შენობის ძირითადი კონსტრუქციის გადარჩენა. ასევე აღსანიშნავია, რომ ტაძარში არსებული რელიკვიები, მათ შორის იესო ქრისტეს ეკლის გვირგვინი გადარჩენილია.

სხვა ამბები

პოლიციამ „საქართველოს ბანკის“ ექსპრეს ფილიალზე ყაჩაღური თავდასხმის ფაქტი გახსნა

newsadmin

ბათუმში ნარკორეალიზატორი დააკავეს

newsadmin

იქმნება სერიოზული ძალა, რომელიც ამ ქვეყანას შეცვლის – ხაზარაძე

newsadmin

ანაკლიას ავაშენებთ და ავაშენებთ ჩვენი პარტნიორი ამერიკის და ევროპის ინვესტიციებით – ხაზარაძე

newsadmin

მზად ვარ, დღესვე წავიდე ციხეში, ვინმეს არ ეგონოს, რამის გვეშინია – ხაზარაძე

newsadmin

საგანგებო სიტუაციათა მართვის სამსახური სოფელ საყავრეს ტყის ხანძართან დაკავშირებით განცხადებას ავრცელებს

newsadmin
იტვირთბა....