“ლეიბორისტული პარტიის” ლიდერი ტაქსის მძღოლებს სოლიდარობას უცხადებს.
შალვა ნათელაშვილის თქმით აქციის დასრულების შემდეგ გაიმართება კონსულტაციები საინიციატივო ჯგუფთან იმისთვის, რომ დაიწყოს პერმანენტული მჯდომიარე პროტესტი ბიძინა ივანიშვილის რეზიდენციასთან და პარლამენტთან.
„ვგეგმავთ სიგნალებით მსვლელობას ამ ქვეყნის მთავარი უბედურების და ტრაგედიის ავტორის ივანიშვილის სასახლისკენ და შემდგომ უკვე საინიციატივო ჯგუფთან ტაქსისტების დავილაპარაკებთ იმაზე, რომ დაიწყოს პერმანენტული აქციები პარლამენტის წინ და ასევე ივანიშვილის სასახლესთან ჯდომითი აქციები განუსაზღვრელი ვადით სანამ ხელისუფლება არ შეიცვლება. სანამ ხელისუფლება არ ცვლის თავის დანაშაულებრივი გადაწყვეტილებების, ის ხელისუფლება უნდა შეიცვალოს. ეს არის სწორი კანონი” – განაცხადა შალვა ნათელაშვილმა.
შეგახსენებთ, რომ ტაქსის მძღოლები ახალი რეგულაციების გადავადებას ითხოვენ.