ახალი ამბები ბანკები ეკონომიკა მთავარი

კობა გვენეტაძე: საკუთარი რეპუტაციის შელახვის რისკის ფასად, ვცდილობდით, არ გვესაუბრა „თიბისი ბანკის“ საქმის დეტალებზე

საკუთარი რეპუტაციის შელახვის რისკის ფასად, ვცდილობდით, არ გვესაუბრა „თიბისი ბანკის“ საქმის დეტალებზე, – ამის შესახებ ეროვნული ბანკის პრეზიდენტმა კობა გვენეტაძემ პარლამენტის რიგგარეშე პლენარულ სხდომაზე განაცხადა.

გვენეტაძის თქმით, „თიბისი ბანკი“, ისევე როგორც ქვეყნის მთლიანი საფინანსო სისტემა, რეგიონში ერთ-ერთი ყველაზე კარგად განვითარებული და სტაბილურია.

მისი შეფასებით, იმაში, რომ „თიბისი ბანკი“ და მთლიანად ქვეყნის საფინანსო სისტემა რეგიონში ერთ-ერთი ყველაზე კარგად განვითარებულია, ეროვნული ბანკის საერთაშორისო სტანდარტების შესაბამის რეგულაციებს მნიშვნელოვანი წვლილი მიუძღვის.

„მსურს საზოგადოება და ამ დარბაზში მყოფი თითოეული ადამიანი დავარწმუნო, რომ „თიბისი ბანკი“, ისევე როგორც ქვეყნის მთლიანი საფინანსო სისტემა, ჩვენს რეგიონში ერთ-ერთი ყველაზე კარგად განვითარებული და სტაბილურია. ამაში მნიშვნელოვანი წვლილი სწორედაც ეროვნული ბანკის საერთაშორისო სტანდარტების შესაბამისი რეგულაციების და ჩარჩოს გატარებასაც მიუძღვის. ეს არის ის ჩარჩო, რომელიც მუდმივად ვითარდება და რომელიც მუდივად ზრუნავს ხარისხისა და სტანდარტის შენარჩუნებაზე.

ჩვენ დიდი სიფრთხილით ვწონით თითოეულ სიტყვას ჩვენს განცხადებებში, როდესაც ისინი კონკრეტულ საფინანსო ინსტიტუტებს უკავშირდება. შეგიძლიათ გადახედოთ ჩვენს პირველ განმარტებებს „თიბისი ბანკთან“ დაკავშირებით. საკუთარი რეპუტაციის შელახვის რისკის ფასად, ვცდილობდით, არ გვესაუბრა დეტალებზე. ასეც იყო, ვიდრე ეროვნული ბანკის მიმართ წამოსული თავდასხმები თავად არ გახდა რისკის შემცველი საფინანსო სისტემისთვის,“ – განაცხადა კობა გვენეტაძემ.

სხვა ამბები

გიგა ჩხარტიშვილი – ნათია კაპანაძის გადაყენებით მრჩეველთა საბჭომ მიიღო ლოგიკური გადაწყვეტილება

newsadmin

ნინო ლომჯარია – “ოდირი“ აღნიშნავს, რომ მოსამართლეთა დანიშვნასთან დაკავშირებული პროცესი დაჩქარებულად მიმდინარეობს

newsadmin

“მე მაქვს დეპრესიული განწყობა, რომელიც მოსამართლეებთან დაკავშირებულმა პროცესმა”

newsadmin

“ნინო გვენეტაძის გადადგომის მიზეზებზე დამაჯერებელი პასუხები დღემდე არ მოგვისმენია” – ლომჯარია

newsadmin

“სამუშაო ჯგუფი, მედიაში სიძულვილის ენისა და ეკლესიის მიმართ კრიტიკულ განცხადებებს შეისწავლის”

newsadmin

“რეფორმები პოპულარული გადაწყვეტილებებით არ ტარდება, რეფორმები არაპოპულარულ ნაბიჯებს მოითხოვს”- გვენეტძე

newsadmin
იტვირთბა....