fbpx
ეკონომიკა მთავარი მსოფლიო

ქობულია – ბულგარეთთან, შესაძლოა, ავეჯის საერთო კლასტერი შეიქმნას

ეკონომიკისა და მდგრადი განვითარების მინისტრმა გიორგი ქობულიამ ბულგარეთში ვიზიტის პირველი დღე შეაჯამა, რომლის დროსაც მან შეხვედრები გამართა ბულგარეთის ეკონომიკისა და ტრანსპორტის, საინფორმაციო ტექნოლოგიებისა და კომუნიკაციების მინისტრებთან. ინფორმაციას ეკონომიკის სამინისტრო ავრცელებს.

გიორგი ქობულიამ ყურადღება გაამახვილა რამდენიმე მნიშვნელოვან საკითხზე, მათ შორის, თანამშრომლობაზე ტრანსპორტის სფეროში. „ბულგარეთი არის კარიბჭე ჩვენთვის ევროპაში და რა თქმა უნდა, ჩვენ გვინდა გავამყაროთ ჩვენი სატრანსპორტო კორიდორი ბულგარეთთან. ეს ეხება როგორც საბარჟო, ასევე სხვა სატრანსპორტო საშუალებების გამოყენებას“, – განაცხადა ეკონომიკისა და მდგრადი განვითარების მინისტრმა.

კიდევ ერთი მიმართულება, რომლის თაობაზეც შეხვედრებზე ყურადღება გამახვილდა, ჩვენ გვქონდეს უფრო ეფექტური ციფრული კავშირი როგორც წყალქვეშა კაბელის მეშვეობით, რაც საქართველოს ციფრულ ჰაბად ქცევის სტრატეგიაში დაეხმარება.

ქართველმა და ბულგარელმა მინისტრებმა ასევე ისაუბრეს თანამშრომლობაზე ტურიზმის სფეროში. ხაზი გაესვა პირდაპირი ავიარეისების ამოქმედების აუცილებლობას თბილისსა და სოფიას შორის.

ასევე საუბარი შეეხო თანამშრომლობას მცირე და საშუალო ბიზნესებს შორის, რომლის დროსაც შეთანხმდნენ არსებული გამოცდილების გაზიარებაზე. აღინიშნა ისიც, რომ საქართველო – ბულგარეთის ბიზნეს ფორუმი გაიმართება „ერთ-ერთი მიმართულება, რომელზეც მხარეებმა გაამახვილეს ყურადღება, ავეჯის წარმოებაში შესაძლო კლასტერის შექმნა იყო, სადაც ბულგარეთს დიდი გამოცდილება აქვს. ჩვენს ავეჯის მწარმოებლებს შესაძლებლობა აქვთ მათთან თანამშრომლობით მეტ ეფექტურობას მიაღწიონ და ევროკავშირის ბაზარზე შევიდნენ“, – განაცხადა გიორგი ქობულიამ.

ეკონომიკისა და მდგრადი განვითარების მინისტრი ბულგარეთს ორდღიანი ვიზიტით ეწვია.

სხვა ამბები

LIVE: Black Sea Arena-ზე Black Eyed Peas-ის კონცერტი დაიწყო

newsadmin

ვასაძე – ერთადერთი გზა, როგორც შეგეძლებათ ჩვენი გაჩერება, არის ტყვია და გთხოვთ, მე მესროლეთ ის პირველი ტყვია

newsadmin

ვასაძე – მე და ჩემნაირებს გვაბრალებენ, რომ ვართ კრემლის აგენტები, ამაზე დიდი ცინიზმი ცხოვრებაში არ მინახავს

newsadmin

ვასაძე – დაგეგმილია კაცის მკვლელობა იქით მხარეს, ზვარაკად უნდათ, რომ შესწირონ რომელიმე უბედური

newsadmin

აქ შევიკრიბეთ იმისთვის, რომ ჩვენს სამშობლოს ავარიდოთ დიდი არეულობა – ვასაძე

newsadmin

კვიციანი – კონსტიტუცია ხალხის აჭანყებასაც ითვალისწინებს და ჭკვიანად იყოს ყველა

newsadmin
იტვირთბა....