ახალი ამბები მთავარი საზოგადოება

“ავტოკეფალია, რომ არ ყოფილიყო, არავინ იცის, რა შეიძლება მომხდარიყო ჩვენს ცხოვრებაში”

სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სიონის ღვთისმშობლის მიძინების სახელობის ტაძარში პარაკლისის დაწყებამდე, ქადაგებისას განაცხადა, ავტოკეფალია რომ არ ყოფილიყო, არავინ იცის, რა შეიძლება მომხდარიყო ჩვენს ცხოვრებაში.

უწმინდესმა მრევლს საქართველოს ეკლესიის ავტოკეფალიის აღდგენის დღე მიულოცა. როგორც პატრიარქმა განაცხადა, დღეს განსაკუთრებული დღეა, რომელიც ისტორიულ თარიღს აღემატება.

„დღეს განსაკუთრებული დღეა, ისტორიული, რომელიც აღემატება ისტორიულ ფაქტს – აღდგენა ავტოკეფალიისა საქართველოს ეკლესიისა. ჩვენ ქედს და მუხლს ვიყრით ჩვენი წინაპრების წინაშე, რომელთაც იღვაწეს ამ აღდგენისთვის. ეს იყო კირიონ პატრიარქი, ლეონიდე, ამბროსი, ქრისტეფორე, კალისტრატე და სხვა.

საქართველომ ავტოკეფალია მიიღო ვახტანგ გორგალის დროს, მეხუთე საუკუნეში. პირველი კათოლიკოსი პეტრე ამბობს, რომ საქართველომ მიიღო ავტოკეფალია ანტიოქიის ეკლესიიდან და ამ საუკუნეების განმავლობაში სულ ვიცავდით ჩვენს ავტოკეფალიას. 1500 წელი დასჭირდა, რომ ეცნო მაშინდელ მსოფლიო პატრიარქს ჩვენი ავტოკეფალია. ეს იყო დიმიტრიოსი, რომელიც მოღვაწეობდა ბართლომეოს პირველის წინ.

შევთხოვთ უფალს, რომ ავტოკეფალია სუფევდეს საქართველოში. ავტოკეფალია რომ არ ყოფილიყო, არავინ იცის, რა შეიძლება მომხდარიყო ჩვენს ცხოვრებაში“, – განაცხადა პატრიარქმა.

ქართული მართლმადიდებელი ეკლესიის ავტოკეფალიის აღდგენის დღესთან დაკავშირებით, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სიონის ღვთისმშობლის მიძინების ტაძარში პარაკლისი აღავლინა. პარაკლისს საქართველოს პრეზიდენტი სალომე ზურაბიშვილი და ხელისუფლების წარმომადგენლები ესწრებოდნენ.

სხვა ამბები

პროკურორი: “მალხაზ ბექაურს სასამართლომ უვადო პატიმრობა უნდა განუსაზღვროს”

newsadmin

ხელისუფლებას სოც. სამსახურის მნიშვნელობა არ ესმის – დოლიძე სოც. მუშაკებს სოლიდარობას უცხადებს (ვიდეო)

newsadmin

სმიტების ოჯახის მკვლელობაში ბრალდებულს მსაჯულებმა გამამტყუნებელი ვერდიქტი გამოუტანეს

newsadmin

უგულავა სააკაშვილს – გამიხარდება თუ კარგად იქნები და მკვდართან შეჯიბრი არ მომიწევს

newsadmin

სააკაშვილი უგულავას – მკვდარი უფრო კარგ ფორმაში ვიქნები, ვიდრე შენ შემდეგი 100 წელი

newsadmin

ვაკის რაიონში, ხუთი საბავშვო ბაღის ეზოში საგზაო ინფრასტრუქტურა მოწესრიგდა

newsadmin
იტვირთბა....