“წერილი თან მაქვს” – ხაზარაძე სასამართლოში მივიდა

„წერილი თან მაქვს“, – ამის შესახებ “თიბისი ბანკის” დამფუძნებელმა, მამუკა ხაზარაძემ, სასამართლოში შესვლამდე, ჟურნალისტებს განუცხადა.
ის გამოკითხვაზე ადვოკატ ზვიად კორძაძესთან ერთად მივიდა.

გენერალური პროკურატურის ინფორმაციით, გამოკითხვა საქალაქო სასამართლოში პროკურატურის შუამდგომლობით შედგება და ხაზარაძის განცხადებას უკავშირდება, რომელიც მაშინ მუქარის წერილთან დაკავშირებით საფინანსო-საბიუჯეტო კომიტეტის სხდომაზე გააკეთა.

პარლამენტის საფინანსო-საბიუჯეტო კომიტეტის სხდომაზე გუშინ, მამუკა ხაზარაძემ განაცხადა, რომ საპრეზიდენტო არჩევნების მეორე ტურის წინ, გიორგი გახარიასგან მუქარის წერილი მიიღო.