fbpx
ახალი ამბები ბანკები ბიზნესი მთავარი სამართალი

 ფული რომ გათეთრდეს, ის უნდა იყოს შავი – მამუკა ხაზარაძის ადვოკატი

“თიბისი ბანკის, მამუკა ხაზარაძის და ბადრი ჯაფარიძის გარშემო ბოლო ორი დღის განმავლობაში განვითარებულ მოვლენებთან დაკავშირებით, მე როგორც მამუკა ხაზარაძის და ბადრი ჯაფარიძის ადვოკატი, საჭიროდ ვთვლი რამდენიმე განმარტების გაკეთებას”, – ამის შესახებ ადვოკატი ზვიად კორძაძე სოციალურ ქსელში წერს.

როგორც უფლებადამცველი აღნიშნავს, იმისთვის, რომ ფული გათეთრდეს, ის უნდა იყოს შავი, ანუ შემოსავალი უნდა იყოს უკანონო, რათა მას მიეცეს კანონიერი სახე.

“2007-2008 წლებში თიბისი ბანკის დამფუძნებლებმა მამუკა ხაზარაძემ და ბადრი ჯაფარიძემ კრედიტორებისგან ისესხეს თანხები ბანკის კაპიტალის გასაზრდელად. ჯამში მოზიდული იქნა დაახლოებით 80 მილიონი $ სხვადასხვა კერძო პირებისა და საერთაშორისო საფინანსო ინტიტუტებიდან, მათ შორის ამერიკული, ბრიტანული, ჰოლანდიური ფონდებისგან. ამ თანხაში შედიოდა სამგორიდან აღებული ხსენებული 17 მილიონი დოლარი. აღნიშნული თანხები მოხმარდა ბანკის საჭიროებებს, მათ შორის ბანკის კაპიტალის გაზრდას. არც ერთი თეთრი არ გამოყენებულა სხვა მიზნებისათვის, რაც თეორიულადაც კი გამორიცხავს უკანონო შემოსავლების ლეგალიზაციის (‘ფულის გათეთრების’) ნიშნებს.

არაიურისტებისთვის განვმარტავ: ფული რომ გათეთრდეს, ის უნდა იყოს შავი, ანუ შემოსავალი უნდა იყოს უკანონო, რათა მას მიეცეს კანონიერი სახე. ვციტირებთ შესაბამის მუხლს:

„უკანონო შემოსავლის ლეგალიზაცია, ესე იგი უკანონო ან/და დაუსაბუთებელი ქონებისათვის კანონიერი სახის მიცემა (ქონებით სარგებლობა, ქონების შეძენა, ფლობა, კონვერსია, გადაცემა ან სხვა მოქმედება) მისი უკანონო ან/და დაუსაბუთებელი წარმოშობის დაფარვის ან/და სხვა პირისთვის პასუხისმგებლობისათვის თავის არიდებაში დახმარების გაწევის მიზნით, აგრეთვე მისი ნამდვილი ბუნების, წარმოშობის წყაროს, ადგილმდებარეობის, განთავსების, მოძრაობის, მასზე საკუთრების ან/და მასთან დაკავშირებული სხვა უფლებების დამალვა ან შენიღბვა…“

აღნიშნული ტრანსაქციების შესახებ დეტალური ინფორმაცია მიწოდებული აქვს როგორც ეროვნულ ბანკს, ასევე პროკურატურას. სასამართლოში დაკითხვის დროს როგორც მამუკა ხაზარაძემ, ასევე ბადრი ჯაფარიძემ ამომწურავად უპასუხა გამოძიების ყველა კითხვას. · ვფიქრობ ეს განმარტებები საკმარისია, რომ პასუხი გაეცეს ფულის გათეთრებასა და უკანონო შემოსავლების ლეგალიზაციასთან დაკავშირებულ ყველა კითხვას და შეწყდეს ამ ტერმინების გამოყენება.

მამუკა ხაზარაძე და ბადრი ჯაფარიძე მზად არიან პასუხი გასცენ აღნიშნულ ტრანსაქციებთან დაკავშირებულ ნებისმიერ კითხვას”, – წერს ადვოკატი.

შეგახსენებთ, გენერალური პროკურატურა TBC ბანკის დოკუმენტებს სწავლობს.

გენერალური პროკურატურის ინფორმაციით, „თიბისი ბანკის“ აქტივობებში ფულის გათეთრებისა და სხვა კანონსაწინააღმდეგო ქმედებების ნიშნები იკვეთებოდა.

ამ ფაქტთან დაკავშირებით კი ბანკმა განცხადება გაავრცელა. 

სხვა ამბები

“ვაიმე დედა, ვაიმე აფეთქდა” – გურამიშვილზე მომხდარი აფეთქების ვიდეოკადრები

newsadmin

“ბატონებო, ძალიან გთხოვთ, მიბრძანდით და მიიტანეთ, რაც გაქვთ” – გახარია ჯაფარიძისა და ხაზარაძის წერილზე

newsadmin

“სოფელ ატოცთან მავთულხლართების უკანონო მონტაჟი შეჩერებულია” – სახელმწიფო მინისტრის აპარატი

newsadmin

“ყველაფერს გავაკეთებთ, რომ რაც დაუზიანდათ და გაუფუჭდათ, დავეხმაროთ აღდგენასა და მოწესრიგებაში” – კალაძე

newsadmin

“ატოცში რაც ხდება მიუღებელია” – გახარია

newsadmin

“პროცესი, რაც ოკუპაციის შემდგომ გაგრძელდა, ძალიან მძიმე მემკვიდრეობაა” – სესიაშვილი

newsadmin
იტვირთბა....