ახალი ამბები მთავარი პოლიტიკა

კაჭრეთის მანიფესტი ივანიშვილის მასშტაბს ამცირებს – ხუხაშვილი ივანიშვილის განცხადებაზე

ეს ივანიშვილის არჩევანია, ყველა ადამიანი თავად აკეთებს არჩევანს. ჩემთვის ივანიშვილის განცხადება მის მასშტაბს კიდევ უფრო აპატარავებს. სამწუხაროდ, ისედაც მქონდა სერიოზული კითხვის ნიშნები. ბესელიასთნ დაკავშირებით ივანიშვილის რიტორიკა საერთოდ არაა საინტერესო. ივანიშვილი ირიბად ადასტურებს, რომ მოწონს ქვეყანაში მოქმედი იუსტიციის უმაღლესი საბჭო, რომელიც ესეთ მოსამართლეებს წარმოადგენს, რაც რბილად რომ ვთქვათ, ჩემთვის ძალიან სამწუხაროა. მივედით იქამდე, რომ კობახიძე წერს და ივანიშვილი ხელს აწერს. ესეც ივანიშვილის არჩევანია, – ასე ეხმაურება “მეტრონომთან” საუბრისას პოლიტოლოგი გია ხუხაშვილი ბიძინა ივანიშვილის მიერ გავრცელებულ განცხადებას.

ხუხაშვილის განცხადებით, მთავარია რა ხდება ქვეყანაში და არა პარტია “ქართულ ოცნებაში”.

“რაც შეეხება იმას, რომ ივანიშვილი პოლიტიკაში დაბრუნების მიზეზად პარტიულ პრობლემებს ასახელებს, ესეც სამწუხაროა. პარტიული პრობლემები არაა მნიშვნელოვანი, მთავარია რა ხდება ქვეყანაში. ივანიშვილი სახელმწიფოებრივ პრობლემებზე არ ამახვილებს ყურადღებას. თურმე, მთავარი პრობლემა პარტიის ლაგება ყოფილა. მისი პარტია არ გვაინტერესებს. მთავარია ქვეყანაში რა ხდება. ქვეყანაში კი კარგი არაფერი არ ხდება. ეს დოკუმენტი კაჭრეთში გამოაცხვეს და მე ამას დავარქვი კაჭრეთის მანიფესტი.

თუმცა, ვერ ვიტყვით, რომ ივანიშვილმა გავრცელებული განცხადებით საბოლოოდ დაუჭირა მხარი ახალგაზრდულ ფრთას. იქ დარჩა პატარა მანევრის საშუალება დატოვებული. თუმცა, სამწუხაროა, ივანიშვილის მასშტაბი მცირდება და ეს სრულიად აშკარა გახდა”, – აცხადებს ხუხაშვილი.

შეგახსენებთ, რომ ცოტა ხნის წინ ბიძინა ივანიშვილმა საგანგებო განცხადება გაავრცელა.

სხვა ამბები

აფხაზავა – თავს გამარჯვებულად ვგრძნობ, რადგან შევძელი მსოფლიოსათვის გადამეცა ქართველი მასწავლებლის სათქმელი

newsadmin

აფხაზავა – ჩვენს ქვეყანას ჰყავს აფხაზავა და სწორედ მის გამო უდიდესი სიამაყის გრძნობა მაქვს

newsadmin

მსოფლიოს საუკეთესო მასწავლებელი კენიელი პიტერ ტუბიში გახდა

newsadmin

დუბაიში მსოფლიოს საუკეთესო მასწავლებლის დაჯილდოებისთვის ემზადებიან

newsadmin

ნატო-ს გენერალური მდივანი თბილისს ეწვია

newsadmin

გვარამია – ჩემთვის ნაცები არიან ამ ხელისუფლების შესაცვლელი პლატფორმა

newsadmin
იტვირთბა....