მურუსიძე – თამარ მეფის პრეზერვატივზე დახატვა, ეს არ არის გამოხატვის თავისუფლება

“რაც შეეხება იურისტ გიორგი მშვენიერაძეს, ადამიანს ვერ გავაგებინე, რომ თამარ მეფის პრეზერვატივზე დახატვა, ეს არ არის გამოხატვის თავისუფლება და შესაბამისად, ახლა კარს გვიმტვრევს, რომ დამანიშნინეთ უზენსაესის მოსამართლეო. წარმოიდგინეთ, რომ ადამიანი იმას ვერ ხვდება, რომ ეს არ არის გამოხატვის თავისუფლების საკითხი, რომ თამარ მეფე იქნება, დიდგორის ბრძოლა იქნება თუ რაღაცა – თაობები იზრდებოდნენ საუკუნეების განმავლობაში და მინდა დავანახო, რომ ეს ადამიანი არის მიკერძოებული და როდესაც ადამიანი არის მიკერძოებული, მისი პოზიციაც არის მიკერძოებული”, – თქვა უზენაესი სასამართლოს უვადოდ არჩეულმა მოსამართლემ ლევან მურუსიძემ “პალიტრანიუსის” ეთერში.