რუსმა სამხედროებმა, ოკუპირებულ კოდორის ხეობაში წვრთნები ჩაატარეს.
როგორც რუსეთის სამხრეთის სამხედრო ოლქის პრესსამსახურის მიერ გავრცელებულ განცხადებაშია ნათქვამი, პოლიგონ „ცაბალზე“ ისროდნენ საარტილერიო დანადგარებიდან, ჰაუბიციდან და ტყვიამფრქვევებიდან.
„სამხედროებმა კოდორის ხეობაში პირობითი მოწინააღმდეგის იერიში მოიგერიეს. პოლიგონ„ცაბალზე“ ისროდნენ საარტილერიო დანადგარებიდან, გამოყენებული იყო რეაქტიულ-ზალპურიცეცხლის სისტემები ე.წ. გრადები, ასევე ჰაუბიციები და ტყვიამფრქვევი „სანი“. შედეგად, მათ დახურული საცეცხლე პოზიციებიდან შეძლეს მოწინააღმდეგის სამიზნეების განადგურება“, – ნათქვამია რუსეთის სამხრეთის სამხედრო ოლქის განცხადებაში.
განცხადებაში ასევე აღნიშნულია, რომ წვრთნების დროს გამოყენებული იყო უპილოტო საფრენი აპარატები, რომლითაც რუსი ჯარისკაცები პირობითი მტრის ადგილმდებარეობის შესახებ ინფორმაციას იღებდნენ.