fbpx
ახალი ამბები მთავარი საზოგადოება

“წინასაარჩევნო პერიოდი ამორალური და ძალიან ბინძური იყო” – პრემიერი

პრემიერ-მინისტრმა მამუკა ბახტაძემ „იმედის“ ეთერში განაცხადა, რომ წინასაარჩევნო პერიოდი ამორალური და ძალიან ბინძური იყო.

პრემიერის განცხადებით, საზოგადოებამ იხილა ე.წ. რუსული რბილი ძალის გააქტიურება წინასაარჩევნო პერიოდში.

„როდესაც ჩვენ ვსაუბრობთ ე.წ. რუსულ რბილ ძალაზე, აქ ჩვენ ვგულისხმობთ იმას, რომ რუსული „რბილი ძალის“ პროპაგანდისტული მანქანა ეფუძნება „საუკეთესო“ საბჭოთა ტრადიციებს, რომლის მთავარი პრინციპი გახლავთ მეტოქეს დააბრალო ის, რაც ჩაიდინე შენ. ჩვენ ვიხილეთ სწორედ ამ ძალის გააქტიურება წინასაარჩევნო პერიოდში. ჩვენ ვხედავდით ზღვა დეზინფორმაციას და ფეიკ ნიუსებს მთავრობის, საპრეზიდენტო კანდიდატის წინააღმდეგ. საპრეზიდენტო კანდიდატს ადანაშაულებდნენ ღალატში, რუსეთთან გარკვეულ გარიგებაში და ჩვენ დავინახეთ ის, რომ მათი პოლიტიკური სახე და წამყვანი პოლიტიკოსი ჩადის მოსკოვში და ოკუპანტი ქვეყნის პოლიტიკური ლიდერების წინაშე გამოდის სცენაზე. ეს არის „ნაციონალური მოძრაობის“ სახე. განსაკუთრებით მიუღებელია ის, რომ ეს საბჭოთა და რუსული პროპაგანდისტული მანქანა ცდილობდა, კითხვის ნიშნის ქვეშ დაეყენებინა ჩვენი ეროვნული ინტერესები. ძალიან სამწუხაროა, რომ ჩვენი პოლიტიკური ოპონენტების გარკვეულმა ნაწილმა მიიღო ამ ძალიან ცუდ პროცესში, ქვეყნისთვის საზიანო პროცესში მონაწილეობა“, – განაცხადა პრემიერმა.

შეგახსენებთ, რომ საქართველოში საპრეზიდენტო არჩევნების მეორე ტური 28 ოქტომბერს გაიმართა.

სხვა ამბები

მოჭიდავე გენო პეტრიაშვილი მსოფლიო ჩემპიონი გახდა

newsadmin

ბახმაროში თოვლისგან გზის გაწმენდის სამუშაოები მიმდინარეობს

newsadmin

“ვერც ერთი პარტია, ვერც ჩვენ, ეპისკოპოსები, მესიებად არ გამოვდგებით” – მეუფე იაკობი

newsadmin

“ხელისუფლებას ყოველთვის შეუძლია შექმნას ანტი-გმირი, არარსებობის შემთხვევაშიც კი”

newsadmin

ერაყში ავტობუსის აფეთქების შედეგად 12 ადამიანი დაიღუპა

newsadmin

“რ2- ის ირგვლივ დაყენებული კამერები მოხსნეს” – გვარამია

newsadmin
იტვირთბა....