დავით კირკიტაძეს გურჯაანის რაიონულ სასამართლოში ბრალი სისხლის სამართლის კოდექსის 353-ე პრიმა მუხლის პირველი ნაწილით ოფიციალურად წარუდგინეს. დავით კირკიტაძეს პოლიციისთვის წინააღმდეგობის გაწევა და საზოგადოებრივი წესრიგის დაცვისთვის ხელის შეშლა ედება ბრალად.
“ნაციონალური მოძრაობის” პოლიტსაბჭოს წევრი ბრალს არ აღიარებს და დღეიდან შიმშლობას იწყებს. პარალელურად, გაერთიანებული ოპოზიცია სასამართლოსთან აქციას მართავს. ოპოზიციის წარმომადგენლების განცხადებით, დღეიდან მართვის ცენტრი სწორედ გურჯაანში გადადის. ისინი კირკიტაძის დაუყოვნებლივ გათავისუფლებას ითხოვენ.