საქართველოს თავდაცვის მინისტრმა ლევან იზორიამ საპრეზიდენტო არჩევნებში საკუთარი არჩევანი დააფიქსირა. მან ხმა ვაკის მეორე ოლქის, მეორე საარჩევნო უბანზე მისცა.
ლევან იზორიას განცხადებით, ხმა ქვეყნის ნატო-ში ინტეგრაციას, სამხედრო მოსამსახურეებისა და მათი ოჯახების პირობების გაუმჯობესებას და საქართველოს თითოეული მოქალაქის დაცულობას მისცა
ქვეყნის მთავარსარდლის არჩევნებში ხმა მივეცი იმ კანდიდატს, რომელთან ერთადაც უფრო დავუახლოვდებით ნატო-ს, უფრო მეტი გაკეთდება სამხედრო მოსამსახურეთა და მათი ოჯახების პირობების გასაუმჯობესებლად, საქართველოს თითოეული მოქალაქის დაცულობის გასაძლიერებლად“, – განაცხადა ლევან იზორიამ.
შეგახსენებთ, რომ დღეს საქართველოში საპრეზიდენტო არჩევნები იმართება.