შინაგან საქმეთა სამინისტროს თანამშრომლები ბაქო – სუფსას მილსადენიდან ნავთობის მოპარვის მცდელობის ფაქტს იძიებენ.
შემთხვევა გორის მუნიციპალიტეტის სოფელ რეხაში მოხდა. გორის პოლიციის თანამშრომლებმა რამდენიმე ადამიანი დაკითხეს. არსებული ინფორმაციით, დანაშაულში ეჭვმიტანილი ჯერ არ დაუკავებიათ.
როგორც შინაგან საქმეთა სამინისტროს პრესსამსახურში აცხადებენ, გამოძიება სისხლის სამართლის კოდექსის 19 177 -ე მუხლის მიხედვით მიმდინარეობს, რაც ქურდობის მცდელობას გულისხმობს და ისჯება ჯარიმით ან შინაპატიმრობით, ვადით, ექვსი თვიდან ერთ წლამდე, ან თავისუფლების აღკვეთით, ვადით, ერთიდან სამ წლამდე.
ავტორი: ნოდარ სხირტლაძე
