სოციალურ ქსელში გავრცელდა, სამტრედიაში გარდაცვლილი გოგონას, მესამე საჯარო სკოლის მეთორმეტეკლასელის მეგობრის პოსტი, რომელიც აცხადებს, რომ გარდაცვლილის მამამ, თვითმკვლელობა სცადა:
“გასაცოდავებულია ოჯახი. მამამისმა მინები ჩაამსხვრია გუშინ და ვენებგადაჭრილია. ბიძა საავადმყოფოში გადაიყვანეს. დედამისი ჩამოვიდა გუშინ. დედამისს ალბათ ფსიქიატრი დაჭირდება, ფსიქოლოგი კი არა. ძმამ ნახა მეშვიდე კლასშია…ის როგორ იქნება? ამხანაგები სკოლაში არ დადიან. ყველანი იქ არიან…
„ქეთი, რა გინდოდა გოგოო, რას გვერჩოდი, არ ველოდიი შენგანნ ამას არაა“ – წერს სოციალურ ქსელში გარდაცვლილი გოგონას მეგობარი.
შეგახსენებთ, სამტრედიაში, გოგონა, საკუთარ სახლში ჩამომხრჩვალი, ძმამ იპოვა. გოგონამ წერილი დატოვა, სადაც წერს, “არაფერი არავის ბრალი არაა, მინდოდა გამეგო, იმ ქვეყნად როგორი ცხოვრებაა”. მეზობლის თქმით, მან მიწერა იმ დღეს ყველა ამხანაგს, დედამისს, მიყვარხართო და მეორე სართულიდან ჩავიდა პირველზე, ძაღლს გავასეირნებო. შევიდა ოთახში და კაპრონის ძაფზე ჩამოიხრჩო თავი” – საუბრობენ ახლობლები.