მე ყოველ დღე ვივლი რუსთაველის გამზირზე 5-10 წუთით მოვალ და მივუსამძიმრებ გარდაცვლილის მშობლებს. აქ არის არა გარდაცვლილი ბავშების პანაშვიდი, არამედ აქ არის საქართველოს სიმართლის პანაშვიდი. ბატონი ზაზა და ბატონი მალხაზი არიან ის ადმაიანები, ვისაც უნდა მივუსამძიმროთ, – ამის შესახებ მომღერალმა პაატა ბურჭულაძემ გადაცემაში “რეაქცია” განაცხადა.
ბურჭულაძე ხალხს მოუწოდებს, რომ რუსთაველის გამზირზე გავიდნენ და შვილმკვდარ მამებს დაუდგნენ გვერდში.
“მე მოვისმინე პარლამენტის თავმჯდომარის სიტყვები, რომ ეს “ნაციონალების: მიერ მართლი აქციაა. ჯერ ერთი, რამ გაყო “ნაციონალებისა” და “ოცნების” შვილები. ასეთი განცხადება როგორ შეიძლება გააკეთო?! ყოველგვარ ზღვარს გადავიდნენ. მე მოვუწოდებ ყველა თბილისელს, რომ გამონახონ 5 წუთი და მოვიდნენ აქ.
მე ველოდები, რომ აქ ხალხი მოიმატებს და მოიმატებს. მე ეს არ მაინტერესებს. მე ყოველდღე 5-10წუთი მაინც უნდა ვიყო, რადგან არ მაქვს დიდი დრო. თავად ფონდი “იავნანა” სამძიმარს იმსახურებს”, – განაცხადა ბურჭულაძემ.
შეგახსენებთ, რომ 10 სექტემბრიდან რუსთველის გამზირზე ზაზა სარალიძისა და მალხაზ მაჩალიკაშვილის აქცია მიმდინარეობს. ისინი სამართლის აღდგენასა და მათი შვილების მკვლელების დასჯას მოითხოვენ. გუშინ სარალაძის განცხადებით, აქცია პოლიტიკური გახდა.