ახალი ამბები მთავარი პოლიტიკა

გორის საკრებულოს თავმჯდომარე – სარალიძისთვის პასუხი რომ არ გამეცა, არ იქნებოდა დაუსჯელობა?!

საკრებულოს თავჯდომარემ, დავით რაზმაძემ ზაზა სარალიძესთან მომხდარი დაპირისპირების შესახებ რადიო “მოზაიკასთან“ ისაუბრა.

“ადამიანებს არ უნდა ჰქონდეთ განცდა, რომ შეუძლიათ ასე მოვიდნენ, სახალხოდ გაგინონ და შენ ხმა არ ამოიღო. შემაგინა და შევაგინე. რომ ლაპარაკობენ დაუსჯელობის სინდრომზე, ეს არ იქნებოდა დაუსჯელობა, მე რომ პასუხი არ გამეცა? რაც შეეხება, ხელთუბანში გარდაცლილი მოზარდის საქმეს, მე მისი ოჯახისთვის თანაგრძნობის გამოსახატად გამოვედი და მინდოდა მეთქვა, რომ გუბერნატორს და მე გვქონდა სურვილი მათთან შეხვედრის, მაგრამ როცა სარალიძე დავინახე, მაშინვე ვთქვი, რომ აქციაზე პოლიტიკურად მართული ადამიანები იმყოფებოდნენ. სარალიძე არის საბურთალოს რაიონში ნაციონალური მოძრაობის ოფისი მდივანი. მე მაგ კაცის არ მჯერა, თორემ კიდევ ერთხელ ვიმეორებ, რომ ყველა დანაშაული უნდა გამოიძიონ და დამნაშავეები დასაჯონ. მკვლელი ოჯახის წევრიც რომ იყოს, უნდა დაისაჯოს. მე მალხაზ მაჩალიკაშვილსაც ვესაუბრე და ავუხსენი, რომ მისი საწინააღმდეგო არაფერი მაქვს. მაგრამ სარალიძე არის ნაციონალებისგან მართული ადაიანი და კარგად დავინახე, რომ აქციაზე მას წინ ბექა ქორჩილავა მოუძღვებოდა. მე არ ვარ სამართალდამცველების ადვოკატი. მერებაშვილის საქმის მასალებს კარგად არ ვიცნობ, თუმცა მეც მაქვს სურვილი და მოთხოვნა, რომ საქმე ობიექტურად გამოიძიონ“, – გვითხრა საკრებულოს თავმჯდომარემ.

შეგახსენებთ, რომ დაპირისპირება დავით რაზმაძესა და ზაზა სარალიძეს შორის დღეს, ადმინისტრაციული შენობის წინ გამართულ აქციაზე მოხდა.

აქცია გორში თორნიკე მერებაშვილის გარდაცვალების საქმის ობიექტური და დროული გამოძიების მოთხოვნით იმართებოდა. მერებაშვილის ოჯახს, მხარდაჭერის ნიშნად, ზაზა სარალიძე და მალხაზ მაჩალიკაშვილი შეურთდნენ.

ავტორი: ნოდარ სხირტლაძე

სხვა ამბები

მურუსიძე – არის რაღაც ნერგი, რომელსაც შეუძლია ჯიშიანი და კარგი ნაყოფი მოიბას, თუ მებაღე კარგად მოუვლის

newsadmin

მურუსიძე – ყოველთვის ვმოქმედებდი კანონის შესაბამისად

newsadmin

ჩუგოშვილი – იმ მოსამართლეების ადგილზე რომ ვიყო, ვის მიმართ აგრესიაც იწვევს სასამართლოზე დარტყმებს, უპირობოდ გავიხდიდი მანტიას

newsadmin

„პატრიოტთა ალიანსის“ რეზოლუციის პროექტს სააკაშვილ-ბოკერიას მმართველობის დამნაშავე რეჟიმად გამოცხადებაზე, პარლამენტმა მხარი არ დაუჭირა

newsadmin

თურქეთში ქურდობის ბრალდებით 5 ქართველი ფეხბურთელი დააკავეს

newsadmin

ლევან გოგიჩაიშვილმა საპარლამენტო უმრავლესობა დატოვა

newsadmin
იტვირთბა....