aviabiletebi
ახალი ამბები მთავარი სამართალი

ფოთში მომხდარი აფეთქების შედეგად დაშავებული მამაკაცი გარდაიცვალა

aviabiletebi
ავიაბილეთები

ფოთში 5 სექტემბერს მომხდარი აფეთქებისას დაშავებული ახალგაზრდა მამაკაცი ზუგდიდის რეფერალურ ჰოსპიტალში გარდაიცვალა. ამის შესახებ წერს პირველი არხი, რომელიც ჰოსპიტლის კლინიკურ დირექტორს, სულხან ორჟონიას ეყრდნობა.

მისი თქმით, მამაკაცის დიაგნოზი იყო – დაუზუსტებელი ფეთქებადი ნივთიერების მიერ მიყენებული სხეულის მრავლობითი დაზიანებით, ქალა-ტვინის ტრავმა, თავის ტვინის დაჟეჟილობა, თავის ტვინის შეშუპება, ტრავმული სუბარაქნოიდული და სუბდურული სისხლჩაქცევა, გულმკერდის დახურული ტრავმა, ფილტვების დაჟეჟილობა, მარჯვენამხრივი პნევმოთორაქსი, მარჯვენა წინამრის ფრაგმენტული მოტეხილობა.

“ავადმყოფს ჩაუტარდა ტრეპანაცია, პლევრის ღრუს დრენირება, წინამხრის ამპუტაცია. იმყოფებოდა მართვით სუნთქვაზე, თუმცა ტრავმა აღმოჩნდა სიცოცხლესთან შეუთავსებელი და 12:00 საათზე დაფიქსირდა ბიოლოგიური სიკვდილი“, – განაცხადა სულხან ორჟონიამ.

შეგახსენებთ, რომ ფოთში, ნაბადის უბანში აფეთქება 5 სექტემბერს, განთენიისას მოხდა. სავარაუდოდ ხელყუმბარის აფეთქების შედეგად, ერთი ადამიანი დაიღუპა, სამი კი დაშავდა.

იტვირთბა....