ახალი ამბები მთავარი საზოგადოება სამართალი

ტობა-ვარჩხილის ტერიტორიაზე სამართალდამცველებმა ერთი პირი დააკავეს

სამართალდამცველებმა, სამეგრელოში ტობა-ვარჩხილის ტერიტორიაზე  ერთი პირი დააკავეს.

შინაგან საქმეთა სამინისტროს ინფორმაციით, დაკავებული იმ კარავში შეღწევას ცდილობდა, სადაც ტურისტები იმყოფებოდნენ.

მათივე ინფორმაციით, სამეგრელო-ზემო სვანეთის სამხარეო პოლიციის თანამშრომლები ადგილზე 112-ში შესული შეტყობინების საფუძველზე მივიდნენ. დახმარების თხოვნით საგანგებო სიტუაციების მართვის სამსახურში თავად ტურისტებმა დარეკეს.

შსს-ს ინფორმაციით, დაკავებული მამაკაცი ბრალს აღიარებს. მისთვის აღკვეთის ღონისძიების შეფარდების საკითხზე ზუგდიდის სასამართლო დღეს იმსჯელებს. გამოძიება სისხლის სამართლის კოდექსის 19-150-ე მუხლით მიმდინარეობს, რაც იძულების მცდელობას გულისხმობს.

ავიაბილეთები იაფად
იტვირთბა....