გორში ორმა არასრულწლოვანმა მობილური ტელეფონების მაღაზია გაქურდა. როგორც “მეტრონომის” კორესპოდენტი გორიდან იუწყება, შემთხვევა გუშინ ღამით, წმინდაწყლის დასახლებაში მოხდა.
არსებული ინფორმაციით, ორმა არასრულწლოვანმა 8 ცალი მობილური ტელეფონი მოიპარა. პოლიციის თანამშრომლებმა ერთი მათგანი მალევე ამხილეს და 6 მოპარული ტელეფონი ნივთმტკიცებად ამოიღეს. მეორე არასრულწლოვანის ვინაობის დასადგენად კი მიმდინარეობს გამოძიება.
ასაკიდან გამომდინარე, პოლიციის თანამშრომლებს ქურდობაში მხილებული არ დაუკავებიათ.
შსს პრესსასამსახურში აცხადებენ, რომ გამოძიება სისხლის სამართლის კოდექსის 177 – ე მუხლის მეორე ნაწილის მიხედვით მიმდინარეობს.
ავტორი: ნოდარ სხირტლაძე