“ქალბატონი გუგული სერიოზული პიროვნებაა და არა მგონია, ასეთ კანონპროექტზე ფიქრობდეს. როგორც ექიმები ამბობენ, სიმსუქნე ხშირ შემთხვევაში რომელიმე დაავადებით ან ნივთიერებათა ცვლის დარღვევით არის გამოწვეული. ზოგიერთ შემთხვევაში ეს მსუნაგობის და სიზარმაცის შედეგია. გენეტიკაც თავისას შვრება და ა.შ. თუმცა, მინდა გითხრათ, რომ მსუქნები ძალიან კეთილი ადამიანები არიან, ისინი მომწონს და მიყვარს”, – განაცხადა საპარლამენტო უმრავლესობის წევრმა ზაქარია ქუცნაშვილმა “kvira.ge-თან”.
შეგახსენებთ, რომ გუგული მაღრაძის თქმით, ჭარბწონიანობაზე რეგულაციის დაწესება არ იქნებოდა ურიგო.