სამაშველო ოპერაციის მე-12 დღეს ტაილანდში – სპეციალისტები ამ დრომდე გამოქვაბულში ჩარჩენილი 12 მოზარდისა და მათი მწვრთნელის გადარჩენის გზებზე კვლავ მსჯელობენ.
ქვეყნის სამხედრო-საზღვაო ძალების ინფორმაციით, ბავშვებს მცირე დაზიანებები აღენიშნება, თუმცა მათ სიცოცხლეს საფრთხე არ ემუქრება.
მოზარდებს დახმარებას სამხედრო ექიმი უწევს. ტაილანდის შეიარაღებული ძალების მეთაურობის გადაწყვეტილებით, ბავშვებთან მუდმივად 2 სამხედრო მყვინთავი დარჩება.
წვიმების სეზონის დაწყების გამო, მღვიმეში წყლის დონის მატებას ელოდებიან, რაც სპეციალისტების ვარაუდით, ბავშვების გამოქვბულიდან გამოყვანას საგრძნობლად გაართულებს.