ხორავას ქუჩაზე მოკლული ლევან დადუნაშვილის მამა, დავით დადუნაშვილის პრემიერ-მინისტრთან შეხვედრით კმაყოფილი დარჩა. როგორც ის აცხადებს, ხორავას ქუჩის საქმეზე იკვეთება ახალი გარემოებები და პრემიერმა მას დაჰპირდა, რომ ყველაფერი შესწავლილი და დეტალურად გამოძიებული იქნება.
შეგახსენებთ, რომ პრემიერი გუშინ შვილმოკლულ ოჯახებს შეხვდა, მათ შორის მალხაზ მაჩალიკაშვილს და ზაზა სარალიძეს. ამ შეხვედრის შემდეგ, ზაზა სარალიძემ განაცხადა, რომ მიუხედავად დაპირებებისა და 10 ივნისამდე მიცემული ვადისა, აქციები მაინც გაგრძელდება.