“ლეიბორისტული” პარტიის თავმჯდომარე შალვა ნათელაშვილი სოციალურ ქსელში სირიის მიერ აფხაზეთისა და “სამხრეთ ოსეთის” აღიარებას ეხმაურება.
“ვისაც ახსოვს, ამ საფრთხეზე ბოლო წლებია ვაფრთხილებდი ხელისუფლებას. მათ არაფერი გააკეთეს. ყოველშემთხვევაში ირანის საშუალებით შეიძლებოდა გავლენა მოგვეხდინა ასადზე. ეს არაა საქილიკო და სახუმარო. ვიღაცამ შეიძლება იფიქროს მკვდარი მკვდარს აეკიდაო, მაგრამ სირია დამოუკიდებელი, გაეროს, არაბთა ლიგის და მუსულმაურ გაერთიანებათა აქტიური წევრია და მისგან აფხაზეთ-ცხინვალის დე-იურე აღიარება რაღაც მომენტში შეიძლება მაპროვოცირებელი აღმოჩნდეს მინიმუმ ისლამური სამყაროსათვის. ჩათვალეთ რომ დღეს კიდევ დაგვცილდა სოხუმი და ცხინვალი,მაგრამ არა უშავს ახალ ოქროს საბადოს თხრის ბიძინა ტანძიაში”, – წერს ნათელაშვილი.