პარლამენტის ჯანდაცვის კომიტეტის თავმჯდომარე აკაკი ზოიძე აცხადებს, რომ ხვალ უმრავლესობის დახურულ სხდომაზე ნარკოპოლიტიკის ლიბერალიზაციაზე იმსჯელებენ.
დეპუტატი მიიჩნევს, რომ უმრავლესობის სხდომას პარტია „ქართული ოცნების“ თავმჯდომარე ბიძინა ივანიშვილი უნდა დაესწროს.
„ ჩემი აზრით, სხდომას ბიძინა ივანიშვილი უნდა დაესწროს. ეს ერთ-ერთი საკვანძო თემაა, რომელიც პარტიამ, უმრავლესობამ, გუნდმა და აღმასრულებელმა ხელისუფლებამ ერთად უნდა მიიღონ და ამ პროცესში ჩართული უნდა იყოს ბიძინა ივანიშვილი, რომელიც პარტიის თავმჯდომარეა”, – განაცხადა აკაკი ზოიძემ.
შეგახსენებთ, რომ ნარკოპოლიტიკის კანონპროექტთან დაკავშირებით მმართველ გუნდში აზრთა სხვადასხვაობაა. პარლამენტში დოკუმენტის განხილვა 7 მაისს კიდევ ერთი თვით გადავადდა. ამასთან, 14 მაისს პარლამენტის თავმჯდომარემ განაცხადა, რომ პარლამენტი ნარკოპოლიტიკის კანონპროექტს, სავარაუდოდ, ივნისის ბოლომდე დაამტკიცებს.