დღეს სარფში საპროტესტო აქცია გაიმართა. მოქალაქეთა ჯგუფმა სარფის ეკლესიის გვერდით სამორინეს ფუნქციონირება გააპროტესტა.
“დაუშვებელია ეკლესიის გვერდით ეშმაკის სახლის არსებობა, ჩვენ არ ვართ წინააღმდეგი კაზინოების, მაგრამ არა აქ “-განაცხადა აქციის ერთ-ერთმა ორგანიზატორმა თამაზ ბაკურიძემ.
აქციის მონაწილეებმა სამორინეს დახურვა და მის ნაცვლად ახალგაზრდული გამაჯანსაღებელი ცენტრის გახსნა მოითხოვეს.
შეგახსენებთ, რომ 2 დღის წინ სამორინეს გახსნა სასულიერო პირებმა გააპროტესტეს. დღევანდელი აქციის მონაწილეები პერმანენტული პროტესტით იმუქრებიან.