თბილისში, ნუცუბიძის პლატოზე, მეოთხე მიკრორაიონში ხანძრის შედეგად 88 წლის მამაკაცი დაშავდა.
ინფორმაციას პირველი არხი ავრცელებს მეზობლების თქმით, მამაკაცი მარტო ცხოვრობდა. მისი სახლის ფანჯრიდან გამოსული კვამლი შენიშნეს და სახანძრო გამოიძახეს.
მეხანძრე-მაშველებმა კარი გაჭრეს და უგონო მდგომარეობაში მყოფი მამაკაცი ნახეს.
საგანგებო სიტუაციების მართვის სამსახურის ინფორმაციით, მე-14 სართულზე 25 კვ.მ. ფართი დაიწვა. ხანძარი ლიკვიდირებულია.
ფოტო: პირველი არხი