რას ფიქრობს “აიისაზე”, ვინ არის ყველაზე სიმპათიური პოლიტიკოსი კაცი, მოუწევია თუ არა მარიხუანა, – “მეტრონომმა” იუსტიციის უმაღლესი საბჭოს არამოსამართლე წევრ ანა დოლიძესთან ბლიც-ინტერვიუ ჩაწერა.
მეტრონომი: რას აკრძალავდით ქვეყანაში?
ანა დოლიძე: რას ავკრძალავდიი… მარჯვენასაჭიან მანქანებს…
მეტრონომი: მარიხუანა თუ მოგიწევიათ?
დოლიძე: არა და არანაირი ნარკოტიკი არ გამისინჯავს.
მეტრონომი: ვის ისურვებდით საქართველოს პრეზიდენტად?
დოლიძე: ვერ გეტყვთ…
მეტრონომი: კლუბ “ბასიანში” თუ ყოფილხართ?
დოლიძე: არა…
მეტრონომი: უნდა მოხდეს თუ არა მარიხუანას ლეგალიზება?
დოლიძე: მარიხუანას მოხმარებაზე პატიმრობას გამოვრიცხავდი. შემოვიღებდი ძალიან მკაცრ სასჯელს ყველანაირი ნარკოტიკის შემოტანასა და გასაღებაზე.
მეტრონომი: 17 მაისი – ოჯახის სიწმინდის თუ ჰომოფობიასთან ბრძოლის დღე?
დოლიძე: 17 მაისი არის 17 მაისი. რომელ ჯგუფსაც უნდა იყოს მშვიდობიანად და კარგად. ვისაც უნდა აღნიშნოს ოჯახის სიწმინდის დღე, ვისაც უნდა აღნიშნოს სხვანაირი ოჯახის სიწმინდის დღე.
მეტრონომი: ყველაზე სიმპათიური კაცი ქართულ პოლიტიკაში..
დოლიძე: საქართველოში ვერ გეტყვით. გლობალური მასშტაბით, ერთი წამით მოვიფიქრებ.. გლობალური მასშტაბით როგორ არ გეტყვით, საბერძნეთის პრემიერ-მინისტრი ციპრასი. ჩამოგითვლით ახლა ყველას. კანადის პრემიერი ტრუდო, იტალიის პრემიერი იყო მატეო რემსი და კიდევ მექსიკის ყოფილი პრემიერი, გვარი არ მახსოვს.
მეტრონომი: თავდაცვის სამინისტროში მუშაობის დროს ყველაზე მეტად რა გენატრებათ?
დოლიძე: სულისკვეთება, სულისკვეთება..
მეტრონომი: “აიისაზე” რას გვეტყვით?
დოლიძე: მე ვფიქრობ, ეს ჯდება გამოხატვის თავისუფლების ფარგლებში.
მეტრონომი: საზმაუ გვჭირდება თუ არა?
დოლიძე: საზოგადოებრივი მაუწყებლის არსებობის მმოხრე ვიყავი ყოველთვის. თუმცა, მზად ვარ ვიფიქრო სხვადასხვა მოდელებზე. მაგალითად, საზოგადოების მიერ სხვადასხვა გადაცემების დაფინანსებაზე, რადგან დღეს არხის სარგებლიანობას ვერ ვხედავ.
მეტრონომი: ივანიშვილი თუ სააკაშვილი?
დოლიძე: ყველა პრეზიდენტისგან რაღაც კარგი უნდა ავიღოთ. გამსახურდიასგანაც, სააკაშვილისგანაც, ივანიშვილი იყო პრემიერი, მაგრამ უნდა აღინიშნოს აუცილებლად, რომ ის დღეს ქვეყნის მმართველია.
მეტრონომი: მარგველაშვილი თქვენში რა ასოციაციას იწვევს?
დოლიძე: შემწყნარებლობის.
მეტრონომი: რას შეადარებდით იუსტიციის უმაღლეს საბჭოში არსებულ სიტუაციას?
დოლიძე: შევადარებდი რომელიმე სასჯელაღსრულების დაწესებულებაში მიმდინარე ვითარებას, როდესაც შიგნით ახალი პატიმარი მოხვდება, მაგალითად მე.
ავტორი: ბესო კუნელაური