მარცხენა სანაპიროზე ავტოსაგზაო შემთხვევა მოხდა. დაღუპულია ერთი ადამიანი, ორი კი დაშავდა. ერთმანეთს ორი ავტომობილი შეეჯახა. დაღუპული ერთ-ერთის მძღოლია.
შინაგან საქმეთა სამინისტროში “მეტრონომს” განუცხადეს, რომ მომხდართან დაკავშირებით გამოძიება სსკ-ის 276 მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.