ლონდონში, ებრაულ ფესტივალზე, აფეთქების შედეგად, ათი ადამიანი დაშავდა – ამის შესახებ BBC პოლიციაზე დაყრდნობით წერს.
ებრაული ახალი ამბების ვებსაიტ The Yeshiva World-ის ინფორმაციით, აფეთქება მაშინ მოხდა, როცა კოცონი აანთეს.
პოლიციის ცნობით, სერიოზულად არავინ დაშავებულა და ფაქტზე კრიმინალური მოტივი არ გამოკვეთილა.
ამ დროისთვის დაუდგენელია, რამ გამოიწვია აფეთქება, ვრცელდება ინფორმაცია, რომ ბენზინი იყო დაქცეული ახლო-მახლო, სხვები კი ამბობენ, რომ კოცონზე მობილური ტელეფონი იყო ჩავარდნილი.