ტანძიაში უკვე მეოცე დღეა მოსახლეობა „RMG Gold”-ის წარმომადგენლებს კარიერის მშენებლობის საშუალებას არ აძლევს.
დღეს კი დაპირისპირება მას შემდეგ დაიწყო, რაც ადგილობრივმა მოსახლეობამ “RMG Gold”-ის ტექნიკას, ტერიტორიაზე შესვლის უფლება არ მისცა.
აქციის მონაწილეების პიკეტის გარღვევას, კომპანიის წარმომადგენლები, დაცვის პოლიციასთან ერთად ცდილობდნენ.
“ჩვენ აქ ჩამოსახლებული ხალხი ვართ სადღა წავიდეთ…ცოცხლად გვმარხავენ..კაციშვილი არ მოსულა ჩვენთან , ოცი დღეა აქ ვდგავართ” -ამბობს აქციის მონაწილე.
ადგილობრივები ამბობენ, რომ ღია კარიერის წესით ოქროს მოპოვება ბოლნისის რაიონში ისედაც მძიმე ეკოლოგიურ ვითარებას კატასტროფამდე მიიყვანს.