რეპერი კახა აბუაშვილის დედა მის საფრანგეთში დაკავების შესახებ კომენტარს აკეთებს. ის შვილის კრიმინალურ ჯგუფთან კავშირს გამორიცხავს. ცირა აბუაშვილი ამბობს, რომ კაბუ საფრანგეთში სამკურნალოდ წავიდა და ის შემოდგომაზე დაბრუნებას აპირებდა.
როგორც ცირა აბუაშვილი ჰყვება, შვილის დაბრუნებას გაზაფხულზე ელოდა, თუმცა ცოტა ხნის წინ კახა აბუაშვილმა დაბრუნების თარიღი შეცვალა და უთხრა, რომ საქართველოში წამოსვლას სექტემბრამდე ვერ ახერხებდა.
„ჯანმრთელობის მოსაწესრიგებლად წავიდა. იმკურნალა და კარგად იყო. ახლა უნდა ჩამოსულიყო გაზაფხულზე, მაგრამ თქვა ვეღარ ვახერხებ ეს მკურნალობა უნდა ჩავამთავროო. კარგად იყო, კარგად გამოიყურებოდა. დაფინანსება ჰქონდა სამასი ევრო და აქედან ჩვენც ვუგზავნიდით. ყველამ იცის ჯანმრთელობის რა პრობლემაც ჰქონდა,“-აცხადებს დაკავებული აბუაშვილის დედა ცირა აბუაშვილი.
შს სამინისტროს ინფორმაციით, კახა აბუაშვილი, იგივე „კაბუ,“ კრიმინალური დაჯგუფების წევრებთან ერთად საფრანგეთში ჩატარებული ერთობლივი სპეცოპერაციის ფარგლებში დააკავეს.
შს სამინისტროს ინფორმაციით, დაკავებულია 4 ე.წ. კანონიერი ქურდი და კრიმინალური დაჯგუფების 34 წევრი დააკავა.
წყარო: “რუსთავი 2”.