თამარ მეფის გამზირზე ავტომანქანა ფეხით მოსიარულეთა გადასასვლელ ზოლზე ქვეითს შეეჯახა.
ახალგაზრდა ქალი მსუბუქი დაზიანებებით საავადმყოფოშია გადაყვანილი. ადგილზე მობილიზებული იყო საპატრულო და სასწრაფო დახმარების ბრიგადები.
მძღოლს შემთხვევის ადგილი არ მიუტოვებია. შინაგან საქმეთა სამინისტროში “მეტრონომს” განუცხადეს, რომ მომხდარზე საქმე სისხლის სამართლის კოდექსის 276-ე მუხლის პირველი ნაწილით აღიძრა, რაც ტრანსპორტით მოძრაობის და ექსპლუატაციის წესის დარღვევას გულისხმობს.