aviabiletebi
ახალი ამბები მთავარი სამართალი

შოთაძე: პირადი ცხოვრების ამსახველი მასალების ატვირთვა მოხდა უცხოეთიდან

aviabiletebi
ავიაბილეთები

მთავარი პროკურორის ირაკლი შოთაძის  განცხადებით, საქართველოს მთავარი პროკურატურა პირადი ცხოვრების ამსახველი ფარული მასალების გავრცელების საქმეზე უცხო ქვეყნებიდან სამართლებრივი დახმარების თხოვნასთან დაკავშირებით პასუხებს ელოდება. შოთაძე ამბობს, რომ ამ საქმეში უნდა გაიმიჯნოს ორი რამ: ვინ გადაიღო კადრები და ვინ გაავრცელა. პროკურორი აცხადებს, რომ გადაღება ამ კადრების განხორციელებულია საქართველოში სამართალდამცველი უწყებების ყოფილი მაღალჩინოსნების მიერ.

ხოლო მსგავს ფაქტებს  ორგანიზებული ხასიათი  ჰქონდა და ამ საქმეზე კონკრეტული პირები დამნაშავეებად უკვე არიან ცნობილი, მათ შორის კუდ-ის უფროსის მოადგილე და სხვა მაღალი თანამდებობის პირები.

“რაც შეეხება გავრცელების ფაქტს, მიუხედავად იმისა, რომ დიდი დროა გასული, საქართველოს პროკურატურამ ჩაატარა და ატარებს ყველა საგამოძიებო მოქმედებას, ათეულობით სამართლებრივი დახმარებაა გაგზავნილი სხვადასხვა ქვეყნებში, რათა მივიღოთ შესაბამისი ინფორმაცია.

ამ ფაილების ატვირთვა საქართველოდან არ მომხდარა, მოხდა უცხოეთიდან, შესაბამისად, ჩვენ მოკლებული ვართ ჩვენ თვითონ ჩავატაროთ რაიმე საგამოძიებო ან საპროცესო მოქმედება და ამიტომ ველოდებით ამ სამართლებრივი დახმარებების შედეგებს, რომელთა მიღების შემდეგ შეგვეძლება ვიმსჯელოთ შესაძლო პირების მიმართ დანაშაულის ჩადენის ფაქტზე. გარკვეული სამართლებრივი დახმარების შუამდგომლობაზე მიღებულია პასუხი, ნაწილზე პასუხს ველოდებით”,- აღნიშნა მთავარმა პროკურორმა.

იტვირთბა....