რომის პაპმა ფრანცისკემ, იტალიის საპარლამენტო არჩევნებიდან ერთი კვირის შემდეგ ისაუბრა და ეროვნული პოლიტიკის მიმართ შეშფოთება გამოთქვა. ინფორმაციას „როიტერსი“ ავრცელებს.
მიუხედავად იმისა, რომ რომის პაპს იტალიის არჩევნებზე არ უსაუბრია, მის სიტყვებში სავარაუდოდ ჩანდა მკაცრი კრიტიკა მემარჯვენე-ცენტრისტული ბლოკის მიმართ, რომელიც საარჩევნო კამპანიისას ანტისაიმიგრაციო დაპირებებს აკეთებდა.
„დღევანდელი მსოფლიო ხშირად შიშის ქვეშ ცხოვრობს. ეს უძველესი დაავადებაა… შიში ხშირად არის მიმართული იმ ადამიანებისკენ, რომლებიც უცხოელები არიან, განსხვავებულები, ღარიბები, თითქოს ისინი მტრები იყვნენ. არსებობს ქვეყნები, სადაც ასეთი ადამიანების წინააღმდეგ ბრძოლის მიხედვით ისახება გეგმები“, – განაცხადა პაპმა.
რომის პაპი წარსულში დონალდ ტრამპსაც აკრიტიკებდა მექსიკის საზღვარზე კედლის აშენებასთან დაკავშირებული გეგმის გამო,
რითაც არალეგალი მიგრანტების ქვეყანაში შესვლისთვის უნდა შეეშალა ხელი.