დედაქალაქის საკრებულოს თავმჯდომარის გიორგი ტყემალაძის წინააღმდეგ მთავარ პროკურატურაში საჩივარი შეიტანა „ნაციონალური მოძრაობის“ წევრმა ლევან ხაბეიშვილმა. საკრებულოს დეპუტატი ტყემალაძეს სამსახურეობრივ გულგრილობაში ადანაშაულებს.
“როცა საქმე ეხება საკრებულოს დეპუტატების ხელფასებს, მათ პირად კეთილდღეობას ან ბიძინა ივანიშვილს, ამ შემთხვევაში, ისინი რიგგარეშე სხდომას ნიშნავენ. როცა საქმე ეხებოდა ვარკეთილში ჭერის ჩამონგრევას, კანონიერად ვითხოვდით რიგგარეშე სხდომის დანიშვნას. საკრებულოს თავმჯდომარემ, გიორგი ტყემალაძემ დაარღვია კანონი, როცა ეს სხდომა არ ჩაატარა და მოგვწერა უარი ჩვენს განცხადებაზე“, – აღნიშნა ხაბეიშვილმა.