სამსახურებრივი მოვალეობის შესრულების დროს დაღუპვის ან მუშაობის დროს მიღებული დაზიანების შედეგად გარდაცვლილი იმ პირის ოჯახს, რომელიც გარემოს დაცვისა და სოფლის მეურნეობის სამინისტროს სისტემაში არსებული რომელიმე უწყების თანამშრომელია, ყოველთვიურად 1000-ლარიანი კომპენსაცია დაენიშნებათ. ახალი წესი ძალაში 2018 წლის 1 ივნისიდან შევდა. ინფორმაციას ipn-ი ავრცელებს.
საუბარია იმ თანამშრომლებზე, რომლებიც სტიქიური უბედურების სალიკვიდაციო-სამაშველო სამუშაოებში მონაწილეობდნენ.
შეგახსენებთ, რომ ინიციატორთა ინფორმაციით, ბოლო წლების განმავლობაში სამსახურებრივი მოვალეობის შესრულებისას დაიღუპა ეროვნული სატყეო სააგენტოს და დაცული ტერიტორიების სააგენტოს 5 თანამშრომელი. კერძოდ, 2011 წელს – 1 თანამშრომელი, 2012 წელს – 1 თანამშრომელი, 2016 წელს – 2 თანამშრომელი და 2017 წელს – 1 თანამშრომელი.
შესაბამისი ცვლილებები პარლამენტში უკვე ინიცირებულია. მისი ავტორები უმრავლესობის წევრები არიან.