შუახევის მუნიციპალიტეტში უკანონო ხე-ტყით სარგებლობისა და გადამუშავების გამოვლინდა.
“გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის აჭარის რეგიონული სამმართველოს თანამშრომლებმა, შუახევის მუნიციპალიტეტში უკანონო ხე-ტყით სარგებლობისა და გადამუშავების გამოვლენის მიზნით, გეგმიური ღონისძიება გაატარეს.
გატარებული ღონისძიებების შედეგად გამოვლინდა – 4 დაურეგისტრირებელი სახერხი საამქრო, 3 ხე-ტყის ტრანსპორტირების წესის დარღვევის ფაქტი, 2 სახერხი საამქროს რეგლამენტის წესების დარღვევა, 1 ლუქის დაზიანების ფაქტი და 3 უკანონოდ ტყით სარგებლობის ფაქტი, რომელთაგან 2 ფაქტი შეიცავს სისხლის სამართლის დანაშაულის ნიშნებს.
მასალები შემდგომი სამართლებრივი რეაგირების მიზნით, შესაბამის ორგანოებში გადაიგზავნება” – აღნიშნულია გარემოსდაცვითი ზედამხედველობის დეპარტამენტის მიერ გავრცელებულ ინფორმაციაში.