aviabiletebi
ახალი ამბები მთავარი სამართალი

ბელარუსის პოლიციამ ორი ქართველი ე.წ. კანონიერი ქურდი „გელა გალსკი“ და „სულიკო თბილისკი“ დააკავა

aviabiletebi
ავიაბილეთები

ბელარუსის შსს-ს პრესსამსახური იუწყება, რომ ბელარუსის პოლიციამ მინსკის აეროპორტში ორი ქართველი ე.წ. კანონიერი ქურდი „გელა გალსკი“ და „სულიკო თბილისკი“ დააკავა.

მათივე ინფორმაციით, ბელარუსის შსს-ს კორუფციასთან და ორგანიზებულ დანაშაულთან ბრძოლის მთავარი სამმართველოს თანამშრომლებმა მინსკის ეროვნულ აეროპორტში საქართველოს ორი მოქალაქე დააკავეს: 17 იანვარს – გელა ქარდავა, 18 იანვარს კი – სულიკო შარიქაძე. კრიმინალურ სამყაროში დაკავებულები ”კანონიერი ქურდის” სტატუსით სარგებლობენ.

”შემოწმებისას გელა ქარდავამ მესაზღვრეებს სხვა ადამიანზე გაცემული რუსეთის მოქალაქის პასპორტი წარუდგინა. დაკითხვის დროს მან საკუთარი კრიმინალური სტატუსი დაადასტურა და განმარტა, რომ რუსეთიდან ბელარუსის გავლით სტამბოლში მიდიოდა, სადაც კანონიერი ქურდების შეკრებაში უნდა მიეღო მონაწილეობა.

რაც შეეხება სულიკო შარიქაძეს, ის ბელარუსის ტერიტორიაზე რეგისტრაციისა და საიმიგრაციო ბარათის გარეშე იმყოფებოდა, რითაც ქვეყნის საიმიგრაციო კანონმდებლობა დაარღვია. ის ბელარუსში რუსეთიდან ავტომობილით შემოვიდა, სადაც გასული წლის 7 დეკემბრამდე იარაღისა და ნარკოტიკების უკანონო შენახვის გამო იხდიდა სასჯელს“, – ნათქვამია ბელარუსის შსს-ს განცხადებაში.

იტვირთბა....