aviabiletebi
ახალი ამბები მთავარი საზოგადოება

პოლიციელმა, რომელიც გაზით გაიგუდა, მოხუცი მოწამვლას გადაარჩინა

aviabiletebi
ავიაბილეთები

პოლიციის მაიორმა კახა ქრისტესაშვილმა, რომელიც საკუთარ სახლში გაზის გაჟონვის შედეგად გარდაიცვალა, ერთი კვირის წინ, გაზით მოწამლული ბებო გადაარჩინა – ამის შესახებ სოციალურ ქსელში გარდაცვლილის მეგობარი წერს.
მეგობრის ინფორმაციით, თემქის დასახლებაში, სადაც ტრაგედიის შედეგად ცოლ-ქმარი გარდაცვლილი იპოვეს, გაზის მილში ჩიტის ბუდე აღმოაჩინეს, რამაც ბუნებრივი აირის გაჟონვა გამოიწვია.

„ჩვენს „დინგოს“ 1 კვირის წინ თვითონ გადაურჩენია გაზით მოწამლული ბებო. ყოველდღე ურეკავდა და კითხულობდა, როგორააო და ახლა ისევ ეს გაზი მის სახლში. მილში ჩიტის ბუდე იპოვეს.
გაფრთხილდით, ხალხო! შეამოწმეთ ყველაფერი ასჯერ და ათასჯერ” – წერს მაიორის მეგობარი სოციალურ ქსელში.

შეგახსენებთ, რომ 2 დღის წინ, თბილისში, თემქაზე, საკუთარ სახლში პატრულის თანამშრომელი და მისი მეუღლე გარდაცვლილები იპოვეს. ტრაგედიის მიზეზი გაზის გაჟონვა გახდა.

დაღუპული მაიორი კახა ქრისტესაშვილი 13 ივნისის სტიქიის ღამის გმირია – წყალდიდობის დროს სვანიძის ქუჩიდან პატარა ბიჭი გამოიყვანა.

ქრისტესაშვილი განსაკუთრებული მოქალაქეობრივი პასუხისმგებლობისათვის, გაბედული მოქმედებისა და სამაგალითო თავდადებისათვის, პრეზიდენტის განკარგულებით, მედლით – „მხედრული მამაცობისათვის“ დაჯილდოვდა.

kvira.ge

იტვირთბა....