სიღნაღის რაიონის სოფელ მაშნაარში გაზგასამართი სადგური დააყაჩაღეს. შემთხვევა იმ დორს მოხდა, როდესაც მომუშავე პერსონალი ობიექტის შიდა ნაწილში იმყოფებოდა.
თვითმხილველების ინფორმაციით, სამმა თავდამსხმელმა თანხის წაღება მოახერხა, თუმცა ზუსტი ოდენობა ცნობილი არ არის. შსს-მ მომხდარ ფაქტზე გამოძიება 179-ე მუხლით დაიწყო, რაც ყაჩაღობას გულისხმობს. უწყების ცნობით, მიმდინარეობს საგამოძიებო მოქმედებები. ამ დროისთვის დაკავებული არავინ არის.