გარემოს ეროვნული სააგენტოს ცნობით, 22 დეკემბრიდან 25 დეკემბრამდე საქართველოს მასშტაბით ამინდის გაუარესებაა მოსალოდნელი. სააგენტოს ინფორმაციით, საქართველოს მთელ ტერიტორიაზე ცივი და ნოტიო ჰაერის მასები გავრცელდება. მოსალოდნელია ნალექი, ზოგან ძლიერი, მთაში და მაღალმთაში კი მოთოვს.
სააგენტოს ინფორმაციით, 24 დეკემბრიდან დასავლეთის მიმართულების ძლიერი ქარი, მაღალმთიან ზონაში ქარბუქი იქნება, ზღვაზე კი 4–5 ბალიანი შტორმია მოსალოდნელი.