თბილისის მერია, იუსტიციის სახლთან მდებარე საფეხმავლო ხიდს დროებით გადაკეტავს. ამის მიზეზად მერია სარემონტო სამუშაოებს ასახელებს.
„16 დეკემბერს, 00:00 სთ-დან – 17 დეკემბრის 23:00 საათამდე იუსტიციის სახლთან მდებარე საფეხმავლო ხიდი სარეაბილიტაციო სამუშაოებიდან გამომდინარე გადაიკეტება. სამუშაოებს „თბილსერვის ჯგუფის“ დაკვეთით შპს „კაპიტელი“ ახორციელებს. თბილისის მერია ბოდიშს გიხდით შეფერხებისთვის”, – ნათქვამია თბილისის მერიის განცხადებაში.