ამ წლის ოქტომბერში საქართველოს სახელმწიფო ვალის მოცულობა 544 მილიონი ლარით გაიზარდა და 16.5 მილიარდი ლარი შეადგინა. საშინაო სახელმწიფო ვალი 1 მილიონი ლარით, ხოლო საგარეო – 543 მილიონი დოლარით გაიზარდა.
ინფორმაციას Forbes-ის ქართულენოვანი გამოცემა ავრცელებს.
31 ოქტომბრის მდგომარეობით საგარეო სახელმწიფო ვალი 13 მილიარდი ლარი, ხოლო საშინაო სახელმწიფო ვალი 3.5 მილიარდი ლარია.
საქართველოს საგარეო სახელმწიფო ვალის 72% საერთაშორისო ორგანიზაციებზე მოდის. მათ შორის, საქართველოს ყველაზე მეტი ვალი – 1.9 მილიარდი დოლარი მსოფლიო ბანკის მიმართ აქვს.
ქვეყნების მიხედვით, საქართველოს ყველაზე მეტი ვალი – 287 მლნ დოლარი გერმანიის მიმართ აქვს, შემდეგ მოდის იაპონია 206 მლნ დოალარით.
საქართველოს სახელმწიფო ვალი მთლიანი შიდა პროდუქტის მიმართ დაახლოებით 45%-ია. 2014 წელს აღნიშნული მაჩვენებელი მშპ-ის 35.6%, ხოლო 2012 წლის ბოლოს 32.6 იყო%.